சிங்கப்பூரின் மத்திய போதைப்பொருள் தடுப்புப் பிரிவு (CNB) அதிகாரி அப்துல் ரஹ்மான் காதிர் மற்றும் முன்னாள் அதிகாரி முஹம்மது ஜோஹைரி ஜைனுரி ஆகிய இருவரும் தலா ஒரு வழக்கில் நீதியின் போக்கை திசைமாற்றிய சதியில் ஈடுபட்டதாக குற்றம்சாட்டப்பட்டனர்.
நவம்பர் 24 இவர்களுக்கு நீதிமன்றத்தில் தண்டனை விதிக்கப்பட்டது.தற்போது CNB இல் பணிபுரியும் அப்துலுக்கு இரண்டு ஆண்டுகள் சிறைத்தண்டனை விதிக்கப்பட்டு பணியிலிருந்து இடைநீக்கம் செய்யப்பட்டுள்ளார்.
பிப்ரவரி 2022 இல் CNB இல் இருந்து ராஜினாமா செய்த ஜோஹைரிக்கு ஒரு வருடம் மற்றும் 10 மாதங்கள் சிறைத்தண்டனை விதிக்கப்பட்டது.மேலும்,இந்த வழக்கில் தொடர்புடைய மூன்றாவது அதிகாரியான முகமது ஹபீஸ் லானுக்கு ஆகஸ்ட் 2020 இல் 18 மாதங்கள் சிறைத்தண்டனை அறிவிக்கப்பட்டது.
மவுங் என்ற 32 வயதான சிங்கப்பூரர் தாய்லாந்துப் பெண்ணுடன் உட்லாண்ட்ஸ் சோதனைச்சாவடியில் சந்தேகத்தின் அடிப்படையில் 2018-இல் கைது செய்யப்பட்டார்.
போதைப்பொருள் உட்கொண்டிருந்த அவரை அதிகாரிகள் மருந்துப் பரிசோதனை செய்தும் அவர் போதைப்பொருள் உட்கொண்டதை கண்டுபிடிக்க முடியவில்லை.ஏனெனில், மெத்தாம்பேட்டமைன் மருந்தை உட்கொண்டிருந்தார்.
இது போதைப்பொருள் உட்கொண்டிருப்பதை கண்டுபிடிக்காமல் இருக்க உதவும்.போதைப்பொருள் மறுவாழ்வு மையத்தில் சிறுநீரைப் பரிசோதனை செய்து போதைப்பொருள் உடலில் கலந்திருப்பது உறுதி செய்யப்பட்டால் கைது செய்யப்படுவார்.
இதனால் தனது மனைவி மற்றும் இரண்டு குழந்தைகளை இழக்க நேரிடும் என்று அவர் பயந்தார்.எனவே,தப்பிக்க நேர்காணலின் போது, மவுங் அதிகாரிகளின் உதவியை நாடினார், அதனால் அவர் எதிர்மறை சோதனை செய்தார்.
மவுங்கின் சிறுநீருக்குப் பதிலாக ஹபீஸ் என்ற அதிகாரியின் சிறுநீர் பாட்டிலில் நிரப்பப்பட்டு சோதனைக்கு அனுப்பப்பட்டது.மாங்கின் சோதனை எதிர்மறையாக வந்தது. அவருடன் இருந்த தாய்லாந்து பெண்ணுக்கும் பரிசோதனையில் நெகட்டிவ் வந்தது.இருவரும் மலேசியாவிற்கு புறப்பட்டனர்.
இரண்டு நாட்களுக்கு பின்பு மீண்டும் சிங்கப்பூருக்குள் நுழைந்தபோது மற்றொரு CNB குழு மவுங்கை மடக்கிப் பிடித்து விசாரித்த போது ,அப்துல் ரஹ்மான் தனது முந்தைய சிறுநீர் பரிசோதனையில் தேர்ச்சி பெற உதவிய நிகழ்வை போட்டு உடைத்தார்.எனவே,அதிகாரிகள் மீது வழக்குப் பதிவு செய்யப்பட்டது.