சிங்கப்பூர்: முஸ்தஃபா சூப்பர் மார்க்கெட் மூடப்பட்டு சுமார் ஒரு மாதத்திற்கு பின்னர் மீண்டும் புதன்கிழமை (மே 6) அன்று திறக்கப்பட்டது, முஸ்தஃபா கடைத்தொகுதியின் ஊழியர்களிடையே COVID -19 கிருமித்தொற்று பரவியதையடுத்து அந்தக் கடைத்தொகுதி கிருமித்தொற்று குழுமமாக சுகாதார அமைச்சால் (MOH) கடந்த மாதம் 2ஆம் தேதி அறிவிக்கப்பட்டது.
அதனையடுத்து முதல் கட்டமாக இரண்டு வாரங்களுக்கு அது மூடப்பட்டது, பின்னர் மேலும் இரண்டு வாரங்களுக்குக் கடை அடைப்பு தொடர்ந்தது. சுமார் 55,000 சதுர அடி பரப்பளவில் உள்ள இந்த சூப்பர் மார்க்கெட் புதன்கிழமை நண்பகல் மீண்டும் திறக்கப்பட்டது.
இந்த சூப்பர் மார்க்கெட்டில் பாதுகாப்பாக இருப்பதை உறுதிப்படுத்த தேவையான நடவடிக்கைகளை நாங்கள் எடுத்துள்ளோம், இதில் உள்ளவர்களின் எண்ணிக்கையை கட்டுப்படுத்துவது உட்பட எண்ணிக்கைகளை கண்காணிக்கும் ஒரு அமைப்பு எங்களிடம் உள்ளது என்று முஸ்தபாவின் நிர்வாக இயக்குனர் திரு முஸ்தாக் கூறியுள்ளார்.
இதையும் படிங்க: சிங்கப்பூரில் புதிதாக 741 பேருக்கு COVID-19 கிருமித்தொற்று உறுதி..!
சூப்பர் மார்க்கெட்டில் அதிகபட்சம் 325 பேர் மட்டுமே அனுமதிக்கப்படுவார்கள், வாடிக்கையாளர்களுக்கு தரையில் பாதுகாப்பு குறியீடுகள் போன்ற மற்றும் பிற பாதுகாப்பான-தூர இடைவெளி நடவடிக்கைகளையும் நிர்வாகம் வைத்துள்ளது என்றும் முஸ்தபாவின் நிர்வாக இயக்குனர் கூறியுள்ளார்.
நாடு முழுவதும் உள்ள மற்ற பல்பொருள் அங்காடிகளைப் போலவே, வாடிக்கையாளர்களின் அடையாள அட்டைகளை ஸ்கேன் செய்வது மற்றும் அவர்களுடைய வெப்பநிலையை சரிபார்க்க வேண்டும் என்று திரு முஸ்தாக் கூறியுள்ளார்.
முன்பு ஆறு நுழைவாயில்கள் மற்றும் வெளியேறும் இடங்களுடன் ஒப்பிடும்போது, தற்போது ஒரு நுழைவாயில் மற்றும் இரண்டு வெளியேற்றங்கள் மட்டுமே பயன்பாட்டில் உள்ளன. அடுத்த சில நாட்களுக்கு காலை 9.30 மணி முதல் இரவு 11.30 மணி வரை கடை திறந்திருக்கும் என்று அந்நிறுவனம் கூறியுள்ளது.
இதையும் படிங்க: சிங்கப்பூரில் COVID-19 தொற்றிலிருந்து 115 பேர் முழுமையாக மீண்டுள்ளனர் – MOH..!