சிங்கப்பூரின் குடிவரவு மற்றும் சோதனைச்சாவடிகள் ஆணையம் (ICA) சோதனைச் சாவடிகளில் இருந்து வெளியேறும் அனைத்து வாகனங்களையும் சோதனை செய்வது, புறப்படும் போக்குவரத்தை “கடுமையாக மோசமாக்கும்” என்று தெரிவித்தது.துவாஸ் சோதனைச் சாவடி வழியாக லாரியின் கண்டெய்னருக்குள் மறைந்திருந்து தப்பியோடிய மோசடி ஜோடி சிங்கப்பூரில் இருந்து தப்பிச் சென்றது தொடர்பாக ஊடகங்கள் எழுப்பிய கேள்விக்கு பதிலளிக்கும் வகையில் இது அமைந்துள்ளது.
குறைந்தபட்சம் S$32 மில்லியன் டாலர்களை மோசடி செய்த ஜோடி தலைமறைவாகியுள்ள நிலையில் சோதனைச் சாவடிகளில் வெளிச்செல்லும் ஒவ்வொரு வாகனத்தையும் சோதனை செய்ய வேண்டும் என்று ICA தெரிவித்தது.உலகளவில் பரபரப்பான நிலக் கடவைகளில் சிங்கப்பூரின் நிலச் சோதனைச் சாவடிகள் ஒன்றாகும்.
எனவே,நெரிசலில் உள்ள போக்குவரத்தை சரிசெய்வதில் தாமதம் ஏற்படுவதால் உட்லண்ட்ஸ் சோதனைச் சாவடியில் உள்ள புக்கிட் திமா எக்ஸ்பிரஸ்வே (பிகேஇ) அல்லது துவாஸ் சோதனைச் சாவடியில் உள்ள ஏயர் ராஜா எக்ஸ்பிரஸ்வே (ஏஐஇ) போன்ற உள்நாட்டுச் சாலைகளுக்குப் போக்குவரத்தை ஏற்படுத்தலாம் என்று ஐசிஏ கூறியது.
வாகனங்கள் சோதனையில் ஈடுபடுத்தப்படுவதால் ஏற்படுகின்ற தாமதம் இரு நாடுகளுக்கு இடையேயான வர்த்தக ஓட்டத்தையும் சீர்குலைக்கும்.”உதாரணமாக, பெரிய பாதுகாப்பு சம்பவங்களுக்குப் பிறகு, குற்றவாளிகள் சிங்கப்பூரை விட்டு வெளியேறுவதைத் தடுக்க, புறப்படும் போக்குவரத்தில் மேம்படுத்தப்பட்ட சோதனைகள் நடத்தப்படும்” என்று ஆணையம் கூறியது.