சிங்கப்பூரும் தமிழும்:
கிழக்காசிய நாடுகளுள் முக்கியமான ஒரு நாடு சிங்கப்பூர். இங்கு வாழும் தென்னிந்திய சமூகத்தில் தமிழர்கள் மிகப் பெரிய பிரிவினர். தென்னிந்தியா, வட இலங்கை மற்றும் இன்றைய இந்தியாவின் தமிழ்நாட்டு மாநிலத்திலிருந்து தோன்றிய இவ்வினத்தவர் இன்று சிங்கப்பூர் நாடெங்கும் பரந்து விரிந்துள்ளனர்.
19 ஆம் நூற்றாண்டில் சிங்கப்பூருக்கு வந்த தமிழர்கள், இன்று சிங்கப்பூர் மக்கள்தொகையில் ஐந்து சதவிகிதம் உள்ளனர். இவர்களில் பெரும்பான்மையானவர்கள் இந்துக்கள், இருப்பினும் கிறிஸ்தவ மற்றும் முஸ்லீம் தமிழர்களும் இருக்கின்றனர்.
சிங்கப்பூரும் தமிழின் தொடக்கமும்:
சில தமிழர்கள் “சூலியா”ஸ் என்றும் அழைக்கப்பட்டனர். சூலியா என்பது தென்னிந்தியாவைச் சேர்ந்த முஸ்லீம்களை குறிக்க பயன்படுத்தும் ஒரு சொல்.
பினாங்கைச் சார்ந்த அரசாங்க எழுத்தாளர் நாராயண பிள்ளை, சிங்கப்பூருக்கு வந்த முதல் தமிழர் ஆவார். 1819 ஆம் ஆண்டு மே மாதம், சர் ஸ்டாம்ஃபோர்ட் ராஃபிள்ஸின் இரண்டாவது வருகையின் போது, பிள்ளை சிங்கப்பூர் வந்தார்.
தொழில்முனைவோரான பிள்ளை, சிங்கப்பூரில் குடியேற முடிவு செய்து, தீவின் முதல் செங்கல் சூளை உட்பட பல வணிகங்களைத் தொடங்கினார். சிங்கப்பூரின் முதல் இந்துக் கோவிலான ஸ்ரீ மாரியம்மன் கோவிலையும் அவர் நிறுவினார்
1860 களில் சுமார் 13,000 இந்தியர்கள் இருந்தனர், அவர்களில் பெரும்பாலானோர் தென்னிந்தியர்கள். இது சீனர்களுக்கு அடுத்தபடியாக சிங்கப்பூரின் இரண்டாவது பெரிய சமூகமாக அப்போது இருந்தது.
தமிழ் சமூகத்தைச் சேர்ந்தவர்கள் அவர்கள் வேலைசெய்யும் இடங்களுக்கு அருகிலேயே வசித்து வந்தனர். தமிழ் செட்டியார்கள் (பணம் மாற்றுபவர்கள்), கடைக்காரர்கள் மற்றும் படகோட்டிகள் சூலியா தெரு மற்றும் மார்க்கெட் தெரு (இன்றைய ராஃபிள்ஸ் பிளேஸ்) ஆகியவற்றைச் சுற்றியுள்ள பகுதியில் வாழ்ந்தனர். மேலும் சிராங்கூன் சாலையைச் சுற்றியுள்ள பகுதியில் தங்கள் வணிகங்களை நிறுவினர், நாளடைவில் அது லிட்டில் இந்தியா என்றும் அழைக்கப்பட்டது.
கல்வி:
1834 ஆம் ஆண்டிலேயே தமிழ் மொழிக் கல்வி வழங்கப்பட்டது, ஆனால் பொருத்தமான பாடப்புத்தகங்கள் இல்லாததால் ஒரு வருடம் கழித்து அது நிறுத்தப்பட்டது. தகுதியான ஆசிரியர்கள் இல்லாத காரணத்தினாலும் தமிழ் வகுப்புகளைத் தொடங்குவதற்காக எடுக்கப்பட்ட முயற்சிகள் பெரும்பாலும் தோல்வியடைந்தன.
1873 மற்றும் 1876 இல் ஆங்கிலோ-தமிழ் பள்ளிகள் தமிழ் மொழி மூலம் ஆங்கிலம் கற்பிக்க நிறுவப்பட்டன. இருந்தபோதிலும், அப்பள்ளிகள் படிப்படியாக ஆங்கில வழிக் கல்வியாக மாறின.
20 ஆம் நூற்றாண்டில் தமிழ் வழிப் பள்ளிகள் மீண்டும் திறக்கபட்டாலும், பெற்றோர்கள் தங்கள் குழந்தைகளை ஆங்கில வழிப் பள்ளிகளில் சேர்க்க ஆர்வம் காட்டியமையால், அவை இறுதியில் மூடப்பட்டன. கடைசியாக நிறுவப்பட்ட தமிழ்வழிப் பள்ளியான உமர் புலவர் தமிழ்ப்பள்ளியும் 1983ல் மூடப்பட்டது.
தொழில் மற்றும் வர்த்தகம்:
19ஆம் நூற்றாண்டில் சிங்கப்பூருக்கு வந்த பெரும்பான்மை தமிழர்கள் கூலித் தொழிலாளிகள் ஆவர். தமிழர்களின் சிலர், சில வர்த்தகங்களில் ஆதிக்கம் செலுத்தி வந்தனர்.
தமிழ் செட்டியார்கள் நிதி வழங்குபவர்களாகவும், பணம் கொடுப்பவர்களாகவும், பண்டக வியாபாரிகளாகவும், ஆசிரியர்கள், மருத்துவர்கள் மற்றும் நிர்வாகிகள் போன்ற பதவிகளில் முக்கியமாக காலனித்துவ சிவில் சேவையில் பணியாற்றினர். ஆங்கிலம் மற்றும் தமிழ் ஆகிய இரு மொழிகளிலும் பேசும் திறனால் இத்தகைய பதவிகளில் வேலை வாய்ப்பு பெற முடிந்தது.
தமிழினத்திற்காக முன்நின்ற சங்கங்கள் :
ஆரம்பகால தமிழ் சங்கங்களில் ஒன்றான தமிழர்கள் சீர்திருத்த சங்கம் (TRA) ஜூன் 1932 இல் தங்கள் சமூகத்தின் சமூக மற்றும் பொருளாதார நிலையை உயர்த்த விரும்பிய சீர்திருத்த எண்ணம் கொண்ட தமிழர்களால் நிறுவப்பட்டது. தமிழ் சமூகத்திற்கு கல்வி கற்பித்தலில் TRA முக்கிய பங்கு வகித்தது.
சங்கத்தின் வாராந்திர அறிக்கைத் தாள் இறுதியில் சிங்கப்பூரின் முதல் தமிழ் நாளிதழான தமிழ் முரசுவாக உருவானது. 1995ல் சிங்கப்பூர் பிரஸ் ஹோல்டிங்ஸ் நிறுவனத்தால் இப்பத்திரிகை கையகப்படுத்தப்பட்டது. 2001 இல் பெயர் மாற்றம் செய்யப்பட்டு, TRA இப்போது, சிங்கைத் தமிழ் சங்கம் என அழைக்கப்படுகிறது.
அனைத்துத் தமிழர்களையும் தமிழ் அமைப்புகளையும் மத வேறுபாடின்றி ஒன்றிணைக்கும் நோக்கத்துடன் 1951 ஆம் ஆண்டு உள்ளூர் தமிழ்த் தலைவர் கோவிந்தசாமி சாரங்கபாணியால் TRC நிறுவப்பட்டது.
பல அரசு நிதியுதவி அமைப்புகள், தமிழ் மற்றும் இந்திய சமூகத்தின் நலன் சார்ந்த தேவைகளை மேற்பார்வையிட்டன. சிங்கப்பூர் இந்திய வளர்ச்சி சங்கம் (SINDA), இந்து ஆலோசனை வாரியம் (HAB) மற்றும் இந்து அறநிலைய வாரியம் (HEB) ஆகியவை இதில் அடங்கும்.
கலாச்சாரமும் கொண்டாட்டமும்:
தமிழர்கள் வெவ்வேறு சாதிகள் மற்றும் வெவ்வேறு மத நம்பிக்கைகளைக் கொண்டவர்கள் என்பதால், தமிழ் அடையாளத்தை ஒன்றிணைக்கும் கூறுகளில் ஒன்று தான் மொழி. தமிழ் மொழியை தமிழ் அடையாளத்தின் முக்கிய அம்சமாக நிலைநிறுத்துவதில் தமிழ் வட்டார மொழிப் பத்திரிகைகளும் முக்கிய பங்காற்றின. எனவே இன்று சிங்கப்பூரில் உள்ள அதிகாரப்பூர்வ மொழிகளில் தமிழும் ஒன்றாக திகழ்கிறது.
பெரும்பான்மையான தமிழர்கள் இந்துக்கள் என்பதால், தைப்பூசம் மற்றும் தீமிதி போன்ற பல குறிப்பிடத்தக்க இந்து பண்டிகைகளைக் கொண்டாடுகிறார்கள். தைப்பூசத்தின் போது, பக்தர்கள் பால் குடங்கள் மற்றும் காவடிகளை முருகனுக்கு எடுத்தும் திரௌபதி அம்மனுக்கு தீ மிதி திருவிழா நடத்தியும் கொண்டாடுகின்றனர்.
ஜனவரியில் பொங்கல் திருவிழாவை தமிழர்கள் கொண்டாடுகின்றனர். கொண்டாட்டங்களின் போது, தமிழர்கள் ஒரு புதிய பானையில் அரிசி, பால் மற்றும் வெல்லம் கலந்து பொங்கல் செய்கிறார்கள்.
தமிழ்ப் புத்தாண்டைக் கொண்டாடும் மற்றொரு தமிழர் பண்டிகை தமிழ்ப்புத்தாண்டு. இந்த திருவிழா பொதுவாக ஏப்ரல் நடுப்பகுதியில் கொண்டாடப்படும் . சிங்கப்பூரில் உள்ள அனைத்து இந்துக்களும் இந்த நாளைக் கொண்டாடுகிறார்கள்.
பிரசித்தி பெற்ற இடங்கள்:
சவுத் பிரிட்ஜ் சாலையில் உள்ளது ஜமே பள்ளிவாசல், 1826 ஆம் ஆண்டு தமிழ் முஸ்லீம் வணிகர்களால் நிறுவப்பட்டது. இது சிங்கப்பூரில் உள்ள பழமையான இந்து கோவிலான ஸ்ரீ மாரியம்மன் கோவிலுக்கு அடுத்ததாக உள்ளது.
நாகூர் துர்கா ஆலயம்: இந்த ஆலயம் 1828 மற்றும் 1830 களில் தென்னிந்திய புனித மனிதரான நாகூரைச் சேர்ந்த ஷாகுல் ஹமீதுக்கு அர்ப்பணிக்கப்பட்டது. ஆரம்ப காலத்தில் தமிழ் முஸ்லிம் சமூகத்தின் கூடுகை இடமாக விளங்கியது.
தஞ்சோங் பகார் மாவட்டத்தில் உள்ள தெருவுக்கு தென்னிந்திய நகரமான கடையநல்லூர் பெயரிடப்பட்டது, அங்கு சிங்கப்பூரில் உள்ள தமிழ் முஸ்லிம்கள் பலர் முதலில் இருந்து வசித்து வந்தது குறிப்பிடத்தக்கது.
ஸ்ரீ மாரியம்மன் கோயில்: சவுத் பிரிட்ஜ் சாலையில் உள்ள இந்தக் கோயில் சிங்கப்பூரின் மிகப் பழமையான இந்துக் கோயிலாகும், இது ஆரம்பகால தமிழ் முன்னோடியான நாராயண பிள்ளையால் 1827 இல் நிறுவப்பட்டது,.
பின்னர் 1973இல் தேசிய நினைவுச்சின்னமாக அரசிதழில் வெளியிடப்பட்டது
ஸ்ரீ தெண்டாயுதபாணி கோயில் மற்றும் ஸ்ரீ லயன் சித்தி விநாயகர் கோயில் டேங்க் ரோடு மற்றும் கியோங் சாய்க் சாலையில் செட்டியார்களால் நிறுவப்பட்டது. இரண்டு கோவில்களும் தற்போது செட்டியார் கோவில் சங்கத்தால் நிர்வகிக்கப்படுகிறது.
பள்ளிகள் முதல் பல்கலைக்கழகம், பார்லிமென்ட் என எங்கும், எதிலும் செம்மொழித் தமிழ் கொடிகட்டி பறந்து கொண்டு இருக்கிறது. இன்னொரு தமிழ்நாடாக சிங்கப்பூர் திகழ்கிறது என்பதை இவற்றின் மூலம் உணர முடிகிறது.