அண்மையில் இந்தியா-சிங்கப்பூர் இடையே சட்டம், வணிகம் மற்றும் வர்த்தகம் போன்ற துறைகளில் ஒத்துழைப்பு அதிகரித்துள்ள நிலையில்,சிங்கப்பூர் சட்ட அமைச்சர் கே சண்முகம் செய்தியாளர்களிடம் பேசினார்.லண்டன் மற்றும் அமெரிக்கா ஆகியவை பாரம்பரிய வணிக மையங்களாக இருந்தன.
ஆனால்,இப்போது ஆசியாவிலேயே முதல் ஐந்து வர்த்தக மையங்கள் உள்ளதாக அவர் கூறினார்.இன்று மாற்றத்தின் வேகம் அதிவிரைவாக உள்ளது.நாட்டில் சட்டங்களும் கட்டமைப்புகளும் இதே வேகத்தில் உருவாக்கப்பட வேண்டும்.
உண்மையில் உலகம் முழுவதும் உள்ள நாடுகளுக்கு பொதுவான தரநிலைகளை கொண்டு வருவது மிகப்பெரிய சவாலாக இருக்கும் என்று அவர் குறிப்பிட்டார்.சிங்கப்பூரின் பொருளாதாரம் நடுநிலையில் இருப்பதால் அரசாங்கத்தின் ஆதரவு மிகவும் முக்கியமானது என்று அமைச்சர் மேலும் கூறினார்.
தொழில்நுட்பம் மற்றும் பொருளாதார சக்திகளால் வணிகங்கள் இயக்கப்படுவதால், வணிக முன்னேற்றம் விதிகளை உருவாக்கும் சர்வதேச சமூகத்தின் திறனை விட வேகமாக வளர்ந்து வருவதாக அவர் கூறினார்.
“அமெரிக்கா,சீனா மற்றும் இந்தியா ஆகிய நாடுகள் உள்நாட்டு பொருளாதாரத்தை கையாள்வதற்கான தங்கள் சொந்த விதிகளை உருவாக்கும் என்று நான் சந்தேகிக்கிறேன்,ஆனால் சில பொதுவான தன்மைகளைக் கண்டறிய அதிகார வரம்புகளில் பணியாற்றும் நபர்கள் முயற்சிப்பார்கள்.விதிகளை உருவாக்க மக்களை ஒன்றிணைக்க ஐ.நா. போன்ற அமைப்பு தேவை. ஆனால் அதற்கு நேரம் எடுக்கும். இதற்கிடையில், நாடுகள் விதிகளை உருவாக்கி தங்களை நிர்வகிக்க வேண்டும், ”என்று அமைச்சர் கூறினார்.