சிங்கப்பூரில் ஒரு இடத்தில் இருந்து மற்றொரு இடத்திற்கு சவாரி செய்யும் பைக் டாக்ஸி சேவைகள் உள்ளன என்பது உங்களுக்குத் தெரியுமா? பேஸ்புக் மற்றும் டெலிகிராமில் சமீபகாலமாக பரவி வரும் இந்த ரகசிய குழுக்களுக்கு ஒரு பேஸ்புக் பயனர் எச்சரிக்கை விடுத்துள்ளார்.
இதன் மூலம், சிங்கப்பூரில் இது சட்டப்பூர்வமானதா? செல்லுபடியாகும் உரிமங்கள் மற்றும் காப்பீடு இல்லாத பயணிகளுக்கு தனியார் வாடகை சேவையை வழங்க முடியுமா? என்பது குறித்த சந்தேகம் எழுந்துள்ளது.
சிங்கப்பூர் LTA (நிலப் போக்குவரத்து ஆணையம்) தனியார் கார் ஓட்டுநர்கள், சாலையில் பயணிக்க சரியான அனுமதியைப் பெற்றிருக்க வேண்டும் என்பதைக் காட்டுகிறது. இருப்பினும், கார்பூலிங் சட்டபூர்வமானது. மேலும் இந்த சேவைகள் தனியார் கார் வாடகை சேவைகளின் வரம்பிற்குள் வராது.
டெலிகிராமில் இத்தகைய கார்பூலிங் சேவைகள் மற்றும் பைக் டாக்ஸி சேவை தொடர்பான அறிவிப்புக்கள் வெளிவந்துள்ளது.
இதில் சிக்கல் என்னவென்றால், ஓட்டுநர் மற்றும் பயணிகளுக்கு சரியான பாதுகாப்பு இல்லை. சரியான தொடர்புத் தடமறிதல் இல்லை, மேலும் பயணிகள் அடிக்கடி முன் இருக்கையில் ஷாட்கன் சவாரி செய்வது போல அமர்ந்திருக்கிறார்கள். இப்படி பல முறைகேடுகள் அரங்கேறுகிறது.
“எஸ்ஜி பைக் டாக்ஸி ஃப்ரீ” என்பது 4000 உறுப்பினர்களைக் கொண்ட ஒரு டெலிகிராம் குழுவாகும். இதில் வழங்கப்படும் சேவைகள் விவாதத்தை கிளப்பியுள்ளது.
அதில் பயணம் செய்வதற்கு முன்னர், சில அரசின் சில விதிகளை தெரிந்துகொண்டு போகலாமா? வேண்டாமா? என்பதை முடிவு செய்யுங்கள்.
தனிப்பட்ட ஓட்டுநர்கள் மற்றும் ரைடர்களுக்கு இடையே கட்டணம் நிர்ணயிக்கப்படுகிறது, மேலும் ஓட்டுநர்கள் கமிஷன் செலுத்த வேண்டியதில்லை.
சிங்கப்பூருக்குள் கார்பூலிங் சட்டப்பூர்வமாக உள்ளது. ஆனால் ஒரு பயணத்தின் செலவை ஈடுசெய்யும் அளவுக்கு மட்டுமே ஓட்டுநர்கள் சேகரிக்க முடியும். கூடுதலாக, அவர்கள் ஒரு நாளைக்கு இரண்டு பயணங்களுக்கு மேல் வழங்க முடியாது.
குற்றவாளிகள் சட்டத்தை மீறினால் $3,000 வரை அபராதம், ஆறு மாதங்கள் வரை சிறைத்தண்டனை அல்லது இரண்டும் பெறலாம்.