மறுசுழற்சி இயந்திரத்தில் டெபாசிட் செய்யப்படும் ஒவ்வொரு 1 கிலோ காகிதத்திற்கும் ஆறு சென்ட்கள் கிடைக்கும் என அறிவிக்கப்பட்டுள்ளது.
மக்கள் செயல் கட்சியால் நிர்வகிக்கப்படும் அனைத்து நகரங்களிலும், பசுமையான சூழலை கொண்டு வருவதை நோக்கமாகக் கொண்ட புதிய முயற்சியின் கீழ், 78 மறுசுழற்சி இயந்திரங்கள் நிறுவ திட்டமிடப்பட்டுள்ளது.
பசுமை நகரங்களுக்கான நடவடிக்கை இயக்கமானது 2025 ஆம் ஆண்டளவில், இன்னும் பிற நடவடிக்கைகளை செயல்படுத்தப்படும். இதில் ஆற்றல் சேமிப்பு, ஸ்மார்ட் சென்சார்கள் பொதுவான பகுதிகளில் அடங்கும்.
ஏற்கனவே காகித மறுசுழற்சி இயந்திரங்களை 58 இடங்களில் செயல்படுத்தப்படுவதற்கான அறிவிப்புக்கள் வெளியிடப்பட்டன. மீதமுள்ள 20, டிசம்பரின் இறுதிக்குள் வணிக வளாகங்கள் மற்றும் சந்தைகள் போன்ற அதிக குடியிருப்புகள் உள்ள பல்வேறு இடங்களில் அமைக்கப்படும்.
மே மாதம் தொடங்கப்பட்ட, பசுமை நகரங்களுக்கான நடவடிக்கை முன்முயற்சியானது, 15 பி.ஏ.பி நகர சபைகளில் உள்ள எம்.பி.க்கள், குடியிருப்பாளர்களுடன் இணைந்து செயல்படுத்தப்பட்டு வருகிறது.
செயல்திறனை அதிகரிக்க, குறைந்த ட்ராஃபிக் உள்ள பொதுவான பகுதிகளில் ஸ்மார்ட் சென்சார்கள் நிறுவப்படும். அதாவது எந்த இயக்கமும் கண்டறியப்படாதபோது, விளக்குகளை மங்கச் செய்யலாம் அல்லது அணைக்கலாம்.
இந்த நடவடிக்கையானது 2025 ஆம் ஆண்டுக்குள் 62 மில்லியன் kWh வரையிலான ஆற்றல் பயன்பாட்டைக் குறைக்கும் என எதிர்பார்க்கப்படுகிறது.
இதற்கிடையில், காகித மறுசுழற்சி இயந்திரங்கள் ஒவ்வொன்றும் ஒவ்வொரு மாதமும் ஒரு டன் காகிதத்தை மறுசுழற்சி செய்வதை நோக்கமாகக் கொண்டுள்ளன. இதன் மூலம் 17 மரங்கள் வெட்டப்படாமல் ஒரு டன் காகிதம் தயாரிக்க தேவையான கூழ் கிடைக்கும்.