உட்லண்ட்ஸில் உள்ள ஒரு உணவகத்தில் ஒரு வியாழன் மாலை 16 பேர் அடங்கிய குழு வயிறு நிரம்ப சாப்பிட்டு,குடித்துவிட்டு, அதற்கான கட்டணத்தை செலுத்தாமல் உணவகத்தை விட்டு வெளியேறியுள்ளனர்.அவர்கள் மீண்டும் பணம் செலுத்துவார்கள் என்ற நம்பிக்கையில் உணவகம் ஊடகத்தை நோக்கி திரும்பியுள்ளது.
விஷயங்களை சிக்கலாக்க விரும்பாத உணவகம் இது குறித்து புகாரளிக்கவில்லை என்றும்,ஆனால் உணவருந்துபவர்கள் தொடர்ந்து இது போன்ற நடவடிக்கைகளில் ஈடுபட்டால் புகாரளிக்கப்படும் என்று தெரிவித்தனர்.
ஜூலை 21 அன்று,உணவருந்திய குழுவினர் கட்டணத்தைச் செலுத்த மறந்துவிட்டிருக்கலாம் அல்லது யாரோ ஒருவர் பணம் செலுத்தப் போகிறார்கள் என்று கருதியிருக்கலாம், ஆனால் யாரும் அவ்வாறு செய்யவில்லை என்று உணவகம் பத்திரிக்கைகளிடம் தெரிவித்தது.
இரவு 7 மணியளவில் உணவகத்திற்குள் நுழைந்த வாடிக்கையாளர்கள் 60 குச்சிகள் சாடே, குளிர்பானங்கள், குளிர்ந்த எலுமிச்சை தேநீர், தேங்காய் சாறு, கரும்புச்சாறு மற்றும் காக்டெய்ல் போன்றவற்றை ஆர்டர் செய்து சாபிட்டுள்ளனர்.நான்கு டேபிள்களில் நான்கு ஊழியர்கள் மட்டுமே அவர்களுக்கு சேவை செய்து வந்தனர்.
அவர்கள் சாப்பிட்டு முடித்ததும், அவர்கள் வெளியேற விரும்பினர், எனவே ஊழியர்கள் உடனடியாக இனிப்பு வழங்கினர். பில் செலுத்தியதாக அவர்கள் கருதியதால் ஊழியர்கள் அவர்களைத் தடுக்கவில்லை.16 வாடிக்கையாளர்கள் பணம் செலுத்தாமல் இருப்பது இதுவே முதல் முறை.
உணவகம் ஒரு போலீஸ் புகாரை பரிசீலித்தது, ஆனால் சில நாட்கள் காத்திருக்க முடிவு செய்தது.அறிக்கை வெளியான பிறகும் வாடிக்கையாளர்கள் பணம் செலுத்தத் திரும்பவில்லை என்றால், அதுகுறித்து அதிகாரிகளிடம் தெரிவிக்கப்படும் என்று உணவக உரிமையாளர் கூறினார்.