உயர் இடங்களில் இருந்து வீழ்ந்து இறக்கும் தொழிலாளர்களின் எண்ணிக்கை குறைவு.!

சிங்கப்பூரில் உயரத்தில் வீழ்ந்து இறந்த தொழிலாளர்களின் எண்ணிக்கை 2009ல் 24ஆக இருந்தது. இந்த ஆபத்தான தொழில்துறை விபத்துக்கள் கடந்த ஆண்டு 8ஆக குறைந்துள்ளது.

மனிதவள மற்றும் தேசிய மேம்பாட்டுத் துறை அமைச்சர் ஜாக்கி மொஹமத்; “2009க்குப் பிறகு, அரசு தொழில் கூட்டாளர்களுடன் ஒருங்கிணைந்து விழிப்புணர்வை ஏற்படுத்துவதற்கும், தொழிலாளர்களைப் பயிற்றுவிப்பதற்கும், தடுப்பு நடவடிக்கைகளை மேற்கொள்வதற்கும் முக்கிய முயற்சிகளை அறிமுகப்படுத்தியது” என்று கூறினார்.

மனிதவள அமைச்சகம் (MOM) மேலும் கூடுதல் ஆய்வுகள் நடத்தியது என்றார்.

கடந்த செப்டம்பரில், 250 நிறுவனங்களில் நடத்தப்பட்ட சுமார் 300 ஆய்வுகளுக்கு பின்னர் 4 நிறுவனங்களில் வேலை நிறுத்த உத்தரவுகள் பிறப்பிக்கப்பட்டன.

இந்த ஆய்வுகளைத் தொடர்ந்து, வேலை பாதுகாப்பு மேற்பார்வைகளை தண்டிக்க 548 அமலாக்க நடவடிக்கைகள் மேற்கொள்ளப்பட்டன. பல்வேறு குறைபாடுகள் காரணமாக 80 அபராதங்கள் மொத்தம் $91,000 விதிக்கப்பட்டன, என்று திரு ஜாக்கி கூறினார்.

இருந்த போதிலும், இந்த ஆண்டில் இதுவரை நான்கு இறப்புகள் பதிவாகியுள்ளன.