சிங்கப்பூரில் சமீப காலமாக தீ விபத்துகள் அதிகரித்து வருகிறது, அதன் வரிசையில் இன்று மே 15, ஞாயிற்றுக்கிழமை அதிகாலையில் மற்றொரு தீ விபத்து ஏற்பட்டதாகக் கூறப்படுகிறது.
இந்த விபத்து மார்சிலிங் ஹைட்ஸில் (Marsiling Heights) உள்ள HDB பிளாக்கின் மேல் தளங்களில் நடந்ததாகத் தெரிகிறது. இது தொடர்பான வீடியோ ஒன்றை Mothership ஷிப் வாசகர் ஒருவர் பகிர்ந்துள்ளார்.
SCDF வீரர்கள் வருகைக்கு முன்னதாக பலத்த கூச்சல் சத்தம் கேட்டதாகவும், தனது அண்டை வீட்டில் ஏதோ சண்டை நடப்பதாக முதலில் நினைத்ததாகவும் பகிர்ந்து கொண்டுள்ளார் வாசகர்.
இன்று நள்ளிரவு 12 மணியளவில் பிளாக் 180C மார்சிலிங் சாலையில் தீ விபத்து ஏற்பட்டதாக SCDF உறுதிப்படுத்தியது. அதாவது, 29 வது மாடியில் உள்ள வீட்டில் தீ ஏற்பட்டதாக அது கூறியுள்ளது.
சம்பவ இடத்துக்கு விரைந்த SCDF வீரர்கள் தண்ணீர் பீச்சியடிக்கும் ஜெட் கருவி மூலம் தீயை அணைத்தனர். அதன் பின்னர் மூன்று பேர் கேகே பெண்கள் மற்றும் குழந்தைகள் மருத்துவமனைக்கு கொண்டு செல்லப்பட்டனர்.
இந்த தீ விபத்துக்கான காரணம் என்ன என்பதை SCDF விசாரணை செய்து வருகிறது.