வாடகை வாகனம் நிறுவனமான gojek அதன் ஓட்டுநர்களுக்கான சேவைக் கட்டணத்தை 15 சதவீதமாக அதிகரித்து மாற்றம் செய்துள்ளது.
இன்று (டிச. 19) வெளியான அறிவிப்பில், gojek அதன் ஓட்டுநர்களுக்கு இந்த சேவைக் கட்டணம் உயர்வு குறித்து தெரிவித்துள்ளது.
கோவிட் -19 தொற்றுநோய்களின் போது gojek அதன் ஓட்டுநர்களுக்கு ஆதரவாக 2021 ஆம் ஆண்டு ஜூன் மாதம் அதன் சேவைக் கட்டணத்தை 20 முதல் 10 சதவீதம் என்று தற்காலிகமாக குறைத்தது.
இந்நிலையில், அடுத்த ஆண்டு 2023 பிப்ரவரி 1 முதல் திருத்தப்பட்ட கட்டணம் நடப்புக்கு வரும்.
மேலும், 2023 ஜனவரி முழுவதும் ஓட்டுநர்களுக்கான சேவைக் கட்டணம் 10 சதவீதமாக இருக்கும் என்றும் அது கூறியுள்ளது.
நடப்புக்கு வந்ததுக்கு பிறகு குறைந்தது 12 மாதங்களுக்கு சேவைக் கட்டணம் 15 சதவீதமாக இருக்கும் எனவும் குறிப்பிடப்பட்டுள்ளது.
வெளிநாட்டு ஊழியர்கள் பங்கேற்ற கிரிக்கெட் போட்டி! – தமிழ் தலைவாஸ் அணி வெற்றி!