சிங்கப்பூரில் உள்ள ஒரு பெண் தனது நண்பரின் தொலைந்து போன ஐபோனைக் கண்டுபிடிக்க குப்பை லாரியில் இருந்து குப்பைகளை அகற்ற உதவி செய்தவர்களுக்கு நன்றி தெரிவித்தார். குப்பைகளை அகற்றும் நிறுவனத்தின் முதலாளி மற்றும் தொழிலாளர்களுக்கு நன்றி தெரிவித்து சமூக ஊடகங்களில் பதிவிட்டுள்ளார்.
சார்மைன் சியோங் ஆகஸ்ட் 13 அன்று ஃபோர்ட் கேனிங் ஹில்லில் உள்ள ஃபிலிம்ஸ் அட் தி ஃபோர்ட் என்ற திறந்தவெளி திரையரங்கில் தனது நண்பரான ஷர்ரல் தனது ஐபோனை தொலைத்ததாக கூறினார்.
பின்னர் அங்கிருந்து கிளம்பும்போது அவளது தொலைபேசியைக் காணவில்லை.சியோங் தனது காதலன் மற்றும் ஷரலுடன் இரவு 7 மணிக்கு படப்பிடிப்பிற்காக அந்த இடத்திற்கு வந்திருந்தார்.
தொலைபேசியைக் கண்டுபிடிக்க முடியாத நிலையில் SRS என்ற பாதுகாப்புக் குழு தேடுதலுக்கு உதவியதாக கூறினார்.குழுவினர்களால் கண்டுபிடிக்க முடியாததால் சியோங்கின் எண்ணை பெற்றுக் கொண்டு,அடுத்த நாள் காலை 6 மணிக்கு, துப்புரவு நிறுவனம் வந்ததும் கூடுதல் தேடலைச் செய்வதாகக் கூறினர்.
ஆப்பிள் ஃபைண்ட் மை ஐபோன் சேவையைப் பயன்படுத்தி ஜூரோங் ஆற்றின் அருகே உள்ள ஜாலான் பாப்பானில் உள்ள ஒரு தொழில்துறை பூங்காவில் தொலைபேசி இருப்பதை ஷர்ரெல் கண்டுபிடித்தார்.
குப்பைகளை அகற்றும் நிறுவனமான கிளீனிஸ் டீ தேடுதலுக்கு உதவியது.சுமார் 20 நிமிடங்களுக்குப் பிறகு குப்பையைத் தோண்டிய பிறகு தொலைபேசி கண்டுபிடிக்கப்பட்டது.ஐபோனைக் கண்டுபிடிக்க உதவிய நிறுவனத்தின் ஊழியர்கள் மற்றும் முதலாளி போன்ற அனைவருக்கும் உண்மையில் நன்றி என்று சியோங் கூறினார்.