வளர்ப்பு மகளை பாலியல் வன்கொடுமை செய்த தந்தை – நிர்வாண புகைப்படமெடுத்து பகிர்ந்த அவலம் !

38 வயதான சிங்கப்பூர் நபருக்கு திங்கள்கிழமை (ஜூலை 25) தனது வளர்ப்பு மகளை பாலியல் வன்கொடுமை செய்ததற்காக 11.5 ஆண்டுகள் சிறைத்தண்டனையும், 15 தடியடிகளும் விதிக்கப்பட்டன. அந்த நபர் தனது வளர்ப்பு மகளை நிர்வாணமாக புகைப்படம் எடுக்கும்படி வற்புறுத்தியுள்ளார். பின்னர் அவர் இந்த நிர்வாண புகைப்படங்களை SG Nasi Lemak Telegram குழுவில் பகிர்ந்துள்ளார்.

முதல் பாலியல் துஷ்பிரயோகம் 2017 இல் நடந்துள்ளது, அப்போது சிறுமிக்கு 10 வயது மட்டுமே. அந்த நபர் தனது வளர்ப்பு மகள் வீட்டில் படுத்திருந்தபோது அவரிடம் அநாகரீகமான செயலைச் செய்யச் சொல்லியுள்ளார்.

அவளும் அவளது தந்தையின் எண்ணத்தை புரிந்து கொள்ளாமல் செய்துவிட்டாள், ஆனால் அன்று இரவு அவன் அவளை மீண்டும் பாலியல் துஷ்பிரயோகம் செய்த பிறகு, இனி இதை செய்யக்கூடாது என முடிவு செய்துள்ளார்.

மே 25, 2019 அன்று, சிறுமி தனது படுக்கையில் தூங்கிக் கொண்டிருந்தபோது, ​​​​அந்த நபர் சிறுமியின் மொபைல் போன் மூலம் 13 வயது காதலனுடன் உடலுறவு கொண்டதை கண்டுபிடித்துள்ளார். அவள் அவனுக்காக ஏதாவது செய்ய வேண்டும், அல்லது அவன் அம்மாவிடம் சொல்வதாக மிரட்டியுள்ளான். பின்னர் சிறுமியை நிர்வாணமாக புகைப்படம் எடுத்து தனக்கு அனுப்புமாறு கூறியுள்ளான். கழிவறைக்குச் சென்ற சிறுமி, அங்கு பயம் மற்றும் குழப்பத்தால் அழுதுள்ளார், வேறுவழியில்லாமல் புகைப்படங்களை அவனுக்கு சிறுமி அனுப்பியுள்ளார். பிறகு, அவள் கழிப்பறையை விட்டு வெளியேறும் போது சமையலறை வாசலில் வைத்து அவளை பாலியல் துன்புறுத்தல் செய்து அவளது மார்பைத் தொட்டு மார்பு தெரியும் நிலையில் புகைப்படமும் எடுத்துள்ளான்.

இந்த கொடூர செயலுக்குப் பிறகு தனது காதலனை வீட்டிற்கு வரச் சொல்லி, அன்று நடந்ததைக் கூறினாள். நடந்ததைப் பற்றி தனது தாயிடம் கூற காதலன் சிறுமியை வற்புறுத்தியுள்ளான்.  ஆனால் சிறுமி மிகவும் பயந்துள்ளார். ஒரு சிறிய மடிக்கக்கூடிய கத்தி மற்றும் பல்நோக்கு கருவியைக் கொடுத்து, பாதுகாப்பிற்காக அவற்றை வைத்திருக்கச் சொன்னார்.

தனது தாயிடம் சொல்லும்படி வற்புறுத்திய போதிலும், சிறுமி தொடர்ந்து மறுத்து வந்ததாக தெரிகிறது. காதலன் ஆபாசமான செய்திகளின் ஸ்கிரீன் ஷாட்களை எடுத்து அவற்றை அந்த பெண்ணின் தாய்வழி அத்தைக்கு அனுப்பினான். சிறுமியின் அத்தை, சிறுமியின் தாயிடம் கூறியுள்ளார். ஆரம்பத்தில் எல்லா தவறுகளையும் மறுத்த அவன், குடிபோதையில் இருந்திருக்கலாம் என்றும் தனக்கு நினைவில் எதுவும் இல்லை என்றும் கூறியுள்ளான். இறுதியில் அவன் தனது செயல்களை ஒப்புக்கொண்டான், பின்னர் சிறுமியின் அத்தை காவல்துறையில் புகார் அளித்தார். ஜூலை 26, 2019 அன்று கைது செய்யப்பட்டான்.

அந்த நபர் மூன்று குற்றச்சாட்டுகளை ஒப்புக்கொண்டார், மைனரை ஊடுருவி பாலியல் வன்கொடுமை செய்தல், துஷ்பிரயோகம் மற்றும் ஒரு குழந்தையிடமிருந்து அநாகரீகமான செயலை செய்தது.

அந்த நபருக்குத் தண்டனை விதித்த உயர் நீதிமன்ற நீதிபதி தேதர் சிங் கில், அந்த நபரின் செயல் பாதிக்கப்பட்டவருடனான அவரது உறவின் புனிதத்தை மீறியதாக் கூறினார்.