நேபாளத்திலிருந்து திருடப்பட்டதாகக் கூறப்படும் கிட்டத்தட்ட 400 ஆண்டுகள் பழமையான சிலை ஒன்று அண்மையில் சிங்கப்பூரில் கண்டெடுக்கப்பட்டதாகக் கூறப்பட்டது.
அந்த சிலை உள்ளூர் நடைமுறைகளின்படி கையகப்படுத்தப்பட்டதாக அருங்காட்சியகம் தெரிவித்துள்ளது. நேபாளத்தின் நீல் பராஹி கோவிலுக்குச் சொந்தமான ஒரு இந்து தெய்வத்தின் சிற்பம் 1999 இல் திருடப்பட்டதாகக் கூறப்பட்டது. சிற்பத்தில் 1636 என்ற வருடம் பொறிக்கப்பட்டிருக்கும்.
தொலைந்து போன சிலையை மீட்கும் பொருட்டு ‘Lost arts of Nepal’ என்ற முகநூல் பக்கத்தில் சிலை குறித்த தகவல்கள் இடுகையிடப்பட்டன.இந்த இடுகைகள் பல நேபாள ஊடகங்களால் எடுக்கப்பட்டது.”திருடப்பட்ட சிற்பம் பார்பிங் சமூகத்தைச் சேர்ந்தது என்பதை நாங்கள் நிரூபிக்க முடியும் என்று நாங்கள் உறுதியாக நம்புகிறோம்” என்று அந்த முகநூல் பக்கத்தில் தெரிவிக்கப்பட்டுள்ளது.
அந்த சிற்பம் தமிழ்நாட்டில் உள்ள ஒரு கோவிலில் இருந்து திருடப்பட்டிருக்கலாம் என்று தெரியவந்ததை அடுத்து, 2015 ஆம் ஆண்டில், ஏசிஎம் 11 ஆம் நூற்றாண்டு வெண்கல சிற்பத்தை இந்திய அதிகாரிகளிடம் திருப்பி அளித்தது.
கலைப்பொருள் உண்மையில் திருடப்பட்டது என்பதற்கு “உறுதியான ஆதாரம் இல்லை” என்றாலும், அருங்காட்சியகத்தில் கலைப்பொருளை விற்ற நியூயார்க் வியாபாரியின் வாக்குமூலத்தை கணக்கில் எடுத்துக் கொண்டது.