ஸ்ரீலங்கன் ஏர்லைன்ஸ் விமானம் சிங்கப்பூர் நோக்கிச் சென்ற பிரிட்டிஷ் ஏர்வேஸ் விமானத்துடன் மோதுவதைத் தவிர்த்தது. துருக்கிக்கு மேல் வானில் பறந்து கொண்டிருந்த போது இச்சம்பவம் நிகழ்ந்தது.
ஸ்ரீலங்கன் ஏர்லைன்சை இயக்கிய விமானிகளை அவர்களது தேசிய விமான நிறுவனம் பாராட்டியதோடு சம்பவத்திற்கு பதிலளிக்கும் வகையில் ஒரு விளக்கமாக அறிக்கை ஒன்றையும் வெளியிட்டது.
அதில் விமானிகளின் விழிப்புணர்வு மற்றும் UL504 விமானத்தில் உள்ள அதிநவீன தகவல் தொடர்பு மற்றும் கண்காணிப்பு அமைப்பு விமானத்திற்கு பாதுகாப்பான பாதையை இயக்கியது என்று கூறப்பட்டிருந்தது.
ஸ்ரீலங்கன் ஏர்லைன்ஸின் UL504 விமானம் , லண்டனில் இருந்து கொழும்பு நோக்கி பறந்து கொண்டிருந்த போது இலங்கை விமானம் துருக்கியின் வான்வெளிக்குள் நுழைந்ததும் 33,000 அடியில் இருந்து 35,000 அடிக்கு ஏறுமாறு அங்காரா விமானப் போக்குவரத்துக் கட்டுப்பாட்டு அதிகாரிகளால் சொல்லப்பட்டது. ஆனால் அவ்வாறு செய்வது ஸ்ரீலங்கன் ஏர்லைன்ஸ் விமானத்தை பிரிட்டிஷ் ஏர்வேஸ் விமானத்தின் விமானப் பாதையில் கொண்டு செல்லும்.
UL504 குழுவினர் அதிகாரிகளை தொடர்பு கொண்ட போது அதிக உயரத்தில் வேறு விமானங்கள் இல்லை என்று கூறப்பட்டது. விமானப் போக்குவரத்துக் கட்டுப்பாட்டு அதிகாரிகளின் அறிவுறுத்தல்களுக்கு உடனடியாக இணங்குவதற்குப் பதிலாக, ஸ்ரீலங்கன் ஏர்லைன்ஸ் விமானிகள் தங்கள் விமானத்தில் உள்ள சிறப்பு அமைப்பில் ஒரு பிரிட்டிஷ் ஏர்வேஸ் விமானம் 35,000 அடியில், சுமார் 24 கிமீ (15 மைல்) தொலைவில் இருப்பதைக் கண்டனர்.
சில நிமிடங்கலில், அங்காரா விமானப் போக்குவரத்துக் கட்டுப்பாடு அதிகாரிகளும், பிரிட்டிஷ் ஏர்வேஸ் விமானம் இருப்பதைப் பற்றி ஸ்ரீலங்கன் ஏர்லைன்ஸ் விமானிகளுக்கு அவசரமாகத் தெரிவித்து, 33,000 அடியில் இருக்குமாறு அறிவுறுத்தினர்.
மொத்தத்தில், ஸ்ரீலங்கன் ஏர்லைன்ஸ் விமானிகளுக்கு துருக்கிய விமானப் போக்குவரத்துக் கட்டுப்பாட்டினால் இரண்டு முறை தவறுதலாக அனுமதி வழங்கப்பட்டது குறிப்பிடத்தக்கது
ஸ்ரீலங்கன் ஏர்லைன்ஸ் விமானம் 35,000 அடி உயரத்தில் பிரிட்டிஷ் ஏர்வேஸ் விமானத்தின் பாதையில் பறந்திருந்தால் இரண்டு விமானங்களும் நடுவானில் மோதியிருக்கக்கூடும். A330 ஏர்பஸ் விமானத்தில் 275 பயணிகளும், UL504 விமானத்தில் 250 பயணிகளும் பயணித்தது குறிப்பிடத்தக்கது