சிங்கப்பூர் TOTO ஜாக்பாட் குலுக்கலில் வெறும் S$1 டிக்கெட் வாங்கிய ஒருவர், சுமார் S$5.5 மில்லியன் பரிசுத்தொகையை தட்டி சென்றார்.
நேற்று ஜனவரி 6 ஆம் தேதி நடந்த TOTO குலுக்கலில் டாப் பரிசுத்தொகையான S$5.5 மில்லியன் வெற்றித்தொகையை ஒருவர் வெற்றி பெற்றார்.
இதற்கான QuickPick டிக்கெட்டை Canberra Plazaல் அமைந்துள்ள FairPrice கடையில் அவர் வாங்கியதாக சொல்லப்பட்டுள்ளது.
இந்த QuickPick Ordinary Entry நுழைவுக்கான பந்தய டிக்கெட்டின் விலை வெறும் S$1 ஆகும்.
இதில் ஒன்று முதல் 49 வரை ஆறு எண்கள் தேர்ந்தெடுக்கப்படுகின்றன.
மேலும் வெற்றித்தொகையை தட்டிச்செல்ல தேர்ந்தெடுக்கப்பட்ட ஆறு எண்களும் வெற்றி எண்களுடன் பொருந்த வேண்டும்.
குரூப் 2 குழுவில் 17 பேர் வெற்றி பெற்றனர். அவர்களுக்கான பங்குத் தொகை S$68,374 என பிரித்து கொடுக்கப்படும்.