விடுமுறைக்கு வீட்டிற்கு வர முடியாமல் போனதால், சிங்கப்பூரர் ஒருவர் லாஸ் ஏஞ்சல்ஸில் உள்ளவர்களிடம் வினாடி வினா நடத்த முடிவு செய்தார்.
உலக வரைபடத்தை கையில் வைத்துக்கொண்டு சுற்றும், யூடியூபர் வில்சன் லிம் செட்டியவான், தெற்கு கலிபோர்னியா பல்கலைக்கழக ஒரு மாணவராவார். அவர் சாலையில் நடந்து சென்று, வீடியோ எடுத்துக்கொண்டே, சிங்கப்பூரை சரியாகக் கண்டுபிடிக்கும் மக்களுக்கு 20 அமெரிக்க டாலர் பரிசாக வழங்குகிறார்.
அவர் தனது யூடியூப் வீடியோவை செவ்வாய்க்கிழமை (டிசம்பர் 28) வெளியிட்டார். அது கிட்டத்தட்ட 4,000 பார்வைகளைப் பெற்றுள்ளது.
தனது விளையாட்டில் பங்கேற்க மக்களை அழைப்பதற்கு முன், லிம் முதலில் லாஸ் ஏஞ்சல்ஸ் மக்களிடம் சிங்கப்பூரைப் பற்றி என்ன தெரியும் என்று கேட்கிறார்.
ஒரு சிலர் சிங்கப்பூரைப் பற்றி அதிகம் தெரியாது என்று பதிலளித்தாலும், மற்றவர்கள் கிரேஸி ரிச் ஏசியன்ஸ் திரைப்படம் மற்றும் ஃபார்முலா 1 பந்தயங்கள் மூலம் சிங்கப்பூரை நினைவு கூர்ந்தனர்.
சிங்கப்பூருக்கு சுற்றுலா சென்று வந்த ஒருவர், தனக்கு மெரினா பே சாண்ட்ஸ் மற்றும் கார்டன் பை தி பே நினைவுக்கு வந்ததாகக் கூறினார்.
இரண்டு பங்கேற்பாளர்கள் சிங்கப்பூரை உலக வரைபடத்தில் சரியாக அடையாளம் காட்டினர்.
முதலாவதாக வெற்றி பெற்றவர், சிங்கப்பூர் “மலேசியாவின் இறுதிக் கட்டத்தில் உள்ளது” என்று மட்டும் கூறாமல், ஜனாதிபதி மற்றும் பிரதமரின் பெயரைக் கூறி யூடியூபரை மேலும் கவர்ந்தார்.
20 அமெரிக்க டாலர் (S$27) பரிசுத் தொகையை வென்ற பிறகு, “எனக்கு எனது புவியியல் தெரியும்” என்று நம்பிக்கையுடன் கூறினார்.
வீடியோ இணைப்பு: https://youtu.be/hCqEQc3qsZw