சிங்கப்பூரில் ஆகஸ்ட் மாதத்தில் மட்டும் 5 பணியிட மரணங்கள் பதிவாகியுள்ளன.ஆகஸ்ட் 25 அன்று கிராஞ்சி நீர் மீட்பு ஆலையில் ஃபோர்க்லிஃப்ட் 65 வயது ஊழியர் மரணமடைந்தார்.இது இந்த ஆண்டு பணியிட மரணங்களின் எண்ணிக்கையை 36 ஆக உயர்த்தியுள்ளது.
லாரியில் ஃபோர்க்லிஃப்டைப் பத்திரப்படுத்திக் கொண்டிருந்தபோது, ஃபோர்க்லிஃப்ட் திடீரென முன்னோக்கி நகர்ந்து அவர் மீது மோதியதாக மனிதவள அமைச்சகம் கூறியது.பலத்த காயமடைந்த ஊழியரை கூ டெக் புவாட் மருத்துவமனைக்கு கொண்டு சென்றனர்.ஆனால் அவர் இறந்துவிட்டார்.
இந்த ஆண்டு அதிகரித்துள்ள பணியிட உயிரிழப்புகள் குறித்து மனிதவள அமைச்சகம் கவலை தெரிவித்துள்ளது.பணியிட பாதுகாப்பை வலுப்படுத்துவதற்கான கூடுதல் நடவடிக்கைகளை இது அறிமுகப்படுத்தும்.
MOM ஏப்ரல் முதல் ஆய்வுகள் மற்றும் அமலாக்க நடவடிக்கைகளை தீவிரப்படுத்தியுள்ளது.பாதுகாப்பு சோதனையின் போது கண்டறியப்படும் ஒவ்வொரு குற்றங்களுக்கும் அதிக அபராதம் போன்ற நடவடிக்கைகளையும் அறிவித்தது.
அனைத்து ஊழியர்களின் பாதுகாப்பிற்கும் முதலாளிகள் அதிக பொறுப்பை ஏற்க வேண்டும் என்று அமைச்சகம் மீண்டும் வலியுறுத்தியது.பணியிடங்களில் ஊழியர்களின் பாதுகாப்பை மேற்பார்வையாளர்கள் கவனிக்க வேண்டும்.மேலும் அவற்றை மனிதவள அமைச்சகத்தின் கவனத்திற்குக் கொண்டு வர வேண்டும் என்று அது மேலும் கூறியது.
அனைத்து முதலாளிகளும் மேற்பார்வையாளர்களும் தங்கள் ஊழியர்களின் பாதுகாப்பிற்கு அதிக முன்னுரிமை கொடுக்க வேண்டும் என்று அமைச்சகம் தெரிவித்தது.
அண்மையில் பணியிட மரணங்கள் ஏற்பட்ட நிறுவனங்களில் வேலையை தற்காலிகமாக நிறுத்தி,அவர்களின் அமைப்புகள் மற்றும் செயல்முறைகளை முழுமையாக மதிப்பாய்வு செய்யும்படி அறிவுறுத்தப்பட்டுள்ளனர்.