சிங்கப்பூர் நாடாளுமன்றத்தில் நேற்று (27/07/2021) பேசிய போக்குவரத்துத்துறை அமைச்சர் ஈஸ்வரன், “சிங்கப்பூரில் கூடுதலான மின்சார வாகனங்கள் விற்பனையாகியுள்ளது. நடப்பாண்டில் ஜனவரி மாதம் முதல் ஜூன் மாதம் வரை பதிவு செய்யப்பட்ட கார், டாக்சி, பேருந்து உள்ளிட்ட வாகனங்களில் 1.3 சதவீதம் மின்சார வாகனங்கள் ஆகும். இது கடந்த ஆண்டை விட சுமார் 0.3 சதவீதம் அதிகம். மின்சார வாகனங்களின் எண்ணிக்கை தொடர்ந்து அதிகரிக்கும் என்று தனது அமைச்சகம் எதிர்பார்க்கிறது.
மின்சார மோட்டார் சைக்கிள்கள் ஆராயப்படுகின்றன. ஆராயப்படும் சில யோசனைகளில் மாறக்கூடிய பேட்டரிகளும் அடங்கும். இது தொழில்துறையுடன் கலந்தாலோசித்து மேற்கொள்ளப்படும் பணியின் ஒரு பகுதி. 2030- ஆம் ஆண்டுக்குள் 60,000 சார்ஜிங் மையங்களை வைப்பதை நோக்கமாகக் கொண்டுள்ளது. இவை வாகன சார்ஜிங் தேவைகளைப் பூர்த்திச் செய்ய போதுமானது.
உள்நாட்டு நிலப் போக்குவரத்து சிங்கப்பூரின் மொத்த கார்பன் வெளியேற்றத்தில் 15 சதவீதமாகும். இதைக் குறைக்க அரசாங்கம் ஒரு பெரிய முயற்சியில் இறங்கியுள்ளது. எங்கள் ரயில் மற்றும் சைக்கிள் நெட்வொர்க்குகளை விரிவுபடுத்துவதற்கும், புதுப்பிப்பதற்கும் நாங்கள் தொடர்ந்து முதலீடு செய்வோம். மேலும் நடை-சுழற்சி-சவாரி (walk-cycle-ride) ஊக்குவிக்க ஒருங்கிணைந்த திட்டமிடல் அணுகுமுறையை எடுப்போம்”. இவ்வாறு அமைச்சர் ஈஸ்வரன் கூறினார்.
கடந்த 2020- ஆம் ஆண்டு இறுதியில் 1,217 மின்சார கார்கள் பதிவு செய்யப்பட்ட நிலையில், இந்த ஆண்டு ஜூன் மாதம் வரை 1,549 மின்சார கார்கள் பதிவு செய்யப்பட்டன. மின்சார வாகனங்களுக்கு மாற ஓட்டுநர்களை ஊக்குவிப்பதற்கான நடவடிக்கைகளை சிங்கப்பூர் மேற்கொண்டுள்ளது. மேலும் 2040- ஆம் ஆண்டுக்குள் பெட்ரோல், டீசல் உள்ளிட்ட எரிபொருள் மூலம் இயங்கும் வாகனங்களை வெளியேற்றுவதை நோக்கமாகக் கொண்டுள்ளன.
மின்சார கார்களை வாங்குபவர்களுக்கு இஇஏஐ (Electric Vehicle Early Adoption Incentive- ‘EEAI’) தள்ளுபடியை வழங்குகிறது. அதே நேரத்தில் விஇஎஸ் (Vehicular Emissions Scheme- ‘VES’) தள்ளுபடியை அளிக்கிறது மற்றும் மாசுபடுத்தும் வாகனங்களுக்கு அதிக தண்டனையான கூடுதல் கட்டணத்தையும் விதிக்கப்படுகிறது.