சிங்கப்பூரில் வசிக்கும் சிங்கப்பூரர் குடும்பங்கள் தாங்கள் பயன்படுத்தாத சமூக மேம்பாட்டு பற்றுச்சீட்டுகளை (CDC Vouchers Scheme 2023) தாங்கள் விரும்பும் தனியார் தொண்டு நிறுவனங்களுக்கு வழங்கலாம். இந்த பற்றுச்சீட்டுகளை நன்கொடையாக வழங்கும் நடைமுறை வரும் டிசம்பர் மாதம் 1- ஆம் தேதி தொடங்கி, அடுத்தாண்டு ஜனவரி மாதம் 31- ஆம் தேதி வரை அமலில் இருக்கும் என்று தெரிவிக்கப்பட்டுள்ளது.
வெளிநாட்டு ஊழியர்களுக்கு குடைகள், சூடான சமோசாக்களை வழங்கிய ‘ItsRainingRaincoats’!
குறைந்தது 1 சிங்கப்பூரர் உள்ள அனைத்து வீடுகளும் தலா 300 வெள்ளி மதிப்பிலான பற்றுச்சீட்டுகள் வழங்கப்பட்டுள்ளது. கடந்த 2021, 2022 ஆகிய ஆண்டுகளில் மட்டும் சுமார் 10,000- க்கும் மேற்பட்ட குடும்பங்கள், சமூக மேம்பாட்டு பற்றுச்சீட்டுகளை நன்கொடையாக வழங்கியுள்ளனர். இதன் மதிப்பு 1.19 வெள்ளி எனக் குறிப்பிடப்பட்டுள்ளது.
பற்றுச்சீட்டுகளை நன்கொடையாக அளிக்க விரும்புவோர் https://vouchers.cdc.gov.sg/ என்ற இணையதளப் பக்கத்திற்கு சென்று, சிங்பாஸ் (SingPass) மூலம் மூலமாக நன்கொடையாக அளிக்கலாம் எனத் தெரிவிக்கப்பட்டுள்ளது. சமூக மேம்பாட்டு பற்றுச்சீட்டுகள் செல்லுபடியாகும் காலம் வரும் டிசம்பர் 31- ஆம் தேதியுடன் நிறைவடையவுள்ளது என்பது குறிப்பிடத்தக்கது.