சிங்கப்பூரின் பழமை வாய்ந்த ஸ்ரீ மாரியம்மன் கோயிலின் முன்னாள் தலைமை அர்ச்சகர்க்கு 6 ஆண்டுகள் சிறைத் தண்டனை விதிக்கப்பட்டுள்ளது.
தங்க நகைகளை சுமார் S$2 மில்லியன் தொகைக்கு மேல் அடகு வைத்ததாக அவர் மீது குற்றம் சாட்டப்பட்டது.
சிங்கப்பூரில் ஊழியர்களின் சம்பளத்தை உயர்த்திய 4ல் மூன்று நிறுவனங்கள்!
கந்தசாமி சேனாபதி என்ற அவர், கோயிலில் இருந்து தங்க ஆபரணங்களை எடுத்து 2016 – 2020க்கு இடையில் பலமுறை அடகு வைத்து பணத்தை பெற்றதாக குற்றம் சாட்டப்பட்டது.
இந்திய நாட்டைச் சேர்ந்த 39 வயதுமிக்க கந்தசாமியை இந்து அறக்கட்டளை வாரியம் வேலைக்கு எடுத்தது. அடகு வைத்த பணத்தில் சுமார் S$141,000க்கும் அதிகமானவற்றை சொந்த நாட்டிற்கு அனுப்பியதாக கூறப்படுகிறது.
நகைகளை எடுத்துச் சென்று அவற்றைக் அடகு வைப்பது மற்றும் தன்னிடம் பணம் இருக்கும்போது அவற்றை மீட்பது போன்ற நடவடிக்கையில் அவர் ஈடுபட்டதாக கூறப்பட்டுள்ளது.
இருப்பினும், கடந்த ஆண்டு COVID-19 தொற்றுநோய் ஏற்பட்டபோது, நகைகளை மீட்டெடுக்க அவரால் நிதியை திரட்ட முடியவில்லை என்று அவரது வழக்கறிஞர் கூறினார்.
கந்தசாமி, பின்னர் அடகு வைத்த நகைகளை மீட்டெடுத்து அனைத்தையும் கோவிலில் திருப்பி ஒப்படைத்தார்.
இந்நிலையில், இன்று (மே 30) கந்தசாமிக்கு 6 ஆண்டுகள் சிறைத்தண்டனை விதிக்கப்பட்டு தீர்ப்பளிக்கப்பட்டது.
சிங்கப்பூரின் முக்கிய செய்திகளை உடனே அறிய Tamil Micset வாட்ஸ்ஆப் குழுவில் இணையுங்கள் – கிளிக் செய்யுங்கள்