சீனாவில் அடுக்குமாடி குடியிருப்பின் ஐந்தாவது மாடியில் இருந்து கீழே விழுந்த இரண்டு வயது குழந்தையை ,கீழே தெருவில் நடந்து சென்ற நபர் பாதுகாப்பாக பிடித்தார்.
அருகிலிருந்த கேமராவில் பதிவான இந்தக் காட்சி ட்விட்டரில் வைரலாக பரவி வருகிறது. ஜூலை 22 அன்று ட்விட்டரில் சிசிடிவி காட்சிகளை சீனாவின் வெளியுறவு அமைச்சக செய்தித் தொடர்பாளர் ஜாவோ பதிவேற்றி “நம்மில் சில ஹீரோக்கள்” என்று விவரித்தார்.
Heroes among us. pic.twitter.com/PumEDocVvC
— Lijian Zhao 赵立坚 (@zlj517) July 22, 2022
குழந்தையைப் பிடித்த ஷென் டோங், ஜூலை 19 அன்று ஒரு கட்டிடத்தின் முன் நோக்கி தொலைபேசியில் பேசிக்கொண்டே விரைந்தபோது வீட்டு வளாகத்தின் முதல் மாடியில் இருந்த இரும்புக் கூரையில் குழந்தை விழுந்து மீண்டும் விழுந்ததால் ஏற்பட்ட பலத்த சத்தம் கேட்டது.
கான்கிரீட்டில் இருந்து மீண்டும் விழுவதற்கு முன் ஷென் அவனது தொலைபேசியைத் தூக்கி எறிந்துவிட்டு அவளைப் பிடித்தான்.இந்த முழு சம்பவத்தின் காட்சிகளையும் உள்ளூர் காவல்துறையினர் ஜூலை 20 அன்று வெளியிட்டனர்.
குழந்தையைப் பாதுகாப்பாக தரையிறக்கிய ஷென்,” உண்மையைச் சொன்னால்,எனக்கு நடந்தவை நினைவில் இல்லை.குழந்தையை அணுகுவது ஒரு உள்ளுணர்வு.சரியான நேரத்தில் பிடித்தேன் என்பது அதிர்ஷ்டம்.” என்று அவர் கூறினார்.
மாடியில் இருந்து விழுந்த சில நொடிகளில் அது குழந்தை என்பதை அப்போது உணரவில்லை என்றும் அவர் கூறினார்.மாடியின் கூரை எஃகு பொருட்களால் செய்யப்பட்டதால் குழந்தை உயிர் பிழைத்தது.
மாடியிலிருந்து கூரையின் மீது விழுந்ததால் ,குழந்தையின் கால்கள் மற்றும் நுரையீரலில் காயம் ஏற்பட்டது.மருத்துவமனையில் அனுமதிக்கப்பட்டு முறையான சிகிச்சையளிக்கப்பட்ட பின்னர் உடல்நலனுடன் குழந்தை வீடு திரும்பியுள்ளது