காகங்கள் புத்திசாலித்தனம் மற்றும் விசுவாசம் கொண்டவை என்பதை நாம் கேள்வி பட்டிருப்போம். அதை உண்மை என நிரூபிக்கும் விதமாக, சிங்கப்பூரில் உள்ள ஒருவரின் வீட்டுக்கு காகம் தினமும் வந்து செல்கிறது.
அந்த ஆடவரின் பிளாட்டுக்கு வழக்கமாக வரும் காகத்தை, அதன் முதுகில் செல்லமாக தடவி கொடுத்து வீடியோ ஒன்றையும் எடுத்து அதை அவர் நம்முடன் பகிர்ந்துள்ளார்.
நட்புறவாக பழகும் இந்த கருப்புப் பறவையின் காணொளி நேற்று ஜன. 13ல் பேஸ்புக்கில் பதிவேற்றம் செய்யப்பட்டது.
இது குறித்த அவர் கூறுகையில்; கடந்த சில மாதங்களாக மதிய வேளையில் இந்த இளம் காகம் அவரை காண பிளாட்டிற்கு வருவதாக கூறியுள்ளார்.
அவர் அதற்கு முன்னதாக, பறவைக்கு கொஞ்சம் ரொட்டி மற்றும் வேர்க்கடலை கொடுத்துள்ளார், அதை தொடர்ந்து இது வழக்கமாக அங்கு வந்து செல்கிறது.
அந்த ஆடவர் காகத்தின் தலை, முதுகு மற்றும் அலகு ஆகியவற்றை அழகாக தடவி கொடுக்க அது அமைதியாக ரெஸ்ட் எடுக்கிறது என்பது தான் ஆச்சரியமான விஷயம்.