கிருமிப் பரவலை முறியடிப்பதற்காக நடப்பில் இருக்கும் அதிரடித் திட்ட கட்டுப்பாடுகள் படிப்படியாக தளர்த்தப்படவுள்ள நிலையில் ஜூன் 2 முதல் வெளிநாட்டு பயணிகள் சாங்கி விமான நிலையம் வழியாக பயணம் செய்ய அனுமதிக்கப்படுவார்கள் என்று சிங்கப்பூர் சிவில் ஏவியேஷன் ஆணையம் (CAAS) அறிவித்துள்ளது.
பொருளாதாரம் மற்றும் மக்களின் தேவைகளைப் பூர்த்தி செய்வதற்காக விமான போக்குவரத்து படிப்படியாக மீண்டும் திறக்கப்படுகிறது என்றும், அதே நேரத்தில் பாதுகாப்பான பயணத்திற்கு போதுமான பாதுகாப்புகளை உறுதி செய்கிறது என்றும் CAAS தெரிவித்துள்ளது.
இதையும் படிங்க: வெளிநாட்டு ஊழியர்களுக்கு தற்காலிக தங்கும் வசதிகளாக மாற்றப்பட உள்ள இரண்டு முன்னாள் பள்ளி வளாகங்கள்..!
தற்போது, வெளிநாட்டு பயணிகள் தங்கள் அரசாங்கங்களால் ஏற்பாடு செய்யப்பட விமானங்களில் இருந்தால் மட்டுமே சிங்கப்பூர் வழியாக செல்ல அனுமதிக்கப்படுகிறார்கள்.
சாங்கி விமான நிலையத்தில் போக்குவரத்து பயணிகள் மற்ற பயணிகளுடன் கலக்காமல் இருக்க “கடுமையான நடவடிக்கைகள்” வைக்கப்படும் என்று CAAS தெரிவித்துள்ளது.
பாதுகாப்பான இடைவெளி, பயணிகள் மற்றும் ஊழியர்களுக்கான வெப்பநிலை எடுத்துக்கொள்வது போன்ற தற்போதுள்ள முன்னெச்சரிக்கை நடவடிக்கைகள் தொடர்ந்து செயல்படுத்தப்படும் என்றும் தெரிவித்துள்ளது.
பயணிகளுடன் தொடர்பு கொள்ளும்போது விமான நிலைய ஊழியர்கள் தனிப்பட்ட பாதுகாப்பு உபகரணங்களை அணிய வேண்டும் என்றும் தெரிவித்துள்ளது.
சாங்கி விமான நிலையம் வழியாக பாதைகளை மாற்றுவதற்கான திட்டங்களை விமான நிறுவனங்கள் CAAS-க்கு சமர்ப்பிக்க வேண்டும்.
பொது சுகாதாரம், விமானப் பாதுகாப்பு, பயணிகள் மற்றும் விமானக் குழுவினரின் உடல்நலம் ஆகியவற்றைக் கருத்தில் கொண்டு இந்த திட்டங்கள் மதிப்பீடு செய்யப்படும் என்று விமானப் போக்குவரத்து ஆணையம் தெரிவித்துள்ளது.
இதையும் படிங்க: சிங்கப்பூரில் COVID-19 தொற்று உறுதிப்படுத்தப்பட்டவர்களின் மொத்த எண்ணிக்கை 30,000ஐ தாண்டியது..!