ஷாங்காயில் சிங்கப்பூரர்களுக்கான தூதரக உதவி குறித்த ஊடகங்களின் கேள்விகளுக்கு சிங்கப்பூர் வெளியுறவுத்துறை அமைச்சகத்தின் செய்தித் தொடர்பாளர் (Ministry Of Foreign Affairs, Spokesperson, Singapore) பதிலளித்தார். அப்போது அவர் கூறியதாவது, “ஷாங்காயில் உள்ள சிங்கப்பூர் துணைத் தூதரகம் (Singapore Consulate-General, Shanghai), ஷாங்காயில் பொதுமுடக்கத்தின் போது சிங்கப்பூரர்களை அணுகி அவர்களின் கேள்விகளுக்கும் கவலைகளுக்கும் பதிலளித்து வருகிறது. துணைத் தூதரகம் நிலைமையை உன்னிப்பாகக் கண்காணித்து, உள்ளூர் அதிகாரிகளுடன் தொடர்பில் உள்ளது. தூதரகத்தின் ஜெனரல் அடிக்கடி கேட்கப்படும் கேள்விகளின் பட்டியல் உட்பட, ஷாங்காயில் உருவாகி வரும் கோவிட்-19 நிலைமை குறித்து சிங்கப்பூரர்களைத் தொடர்ந்து புதுப்பித்தல், மேலும் ஏப்ரல் 12- ஆம் தேதி அன்று மெய்நிகர் டவுன் ஹால் கூட்டத்தைக் கூட்டியுள்ளது.
துணைத் தூதரகம் சிங்கப்பூரர்களுக்கு அத்தியாவசியப் பொருட்கள் அல்லது மருந்துகளைப் பெற உதவுதல், சொந்தமாக உணவைப் பெற முடியாதவர்களுக்கு உணவுப் பொதிகளை அனுப்புதல் மற்றும் சிங்கப்பூரர்கள் அவசரக் காரணங்களுக்காக சிங்கப்பூர் திரும்புவதற்கு வெளியேறும் அனுமதிகளை எளிதாக்குதல் போன்ற உதவிகளை வழங்குகிறது. .
விநியோகச் சேவைகளை இன்னும் அணுகக்கூடிய சிங்கப்பூரர்கள், ஆன்லைன் பயன்பாடுகள் மூலம் அத்தியாவசியப் பொருட்களை வாங்க முயற்சி செய்யலாம் மற்றும் தங்கள் குடியிருப்பு வளாகங்களுக்குள் குழு வாங்குதல்களில் பங்கேற்கலாம். அவர்கள் தங்கள் அண்டை வீட்டுக் குழுக்கள் மூலமாகவும் உதவி பெறலாம். விநியோகம் செய்யக்கூடிய விற்பனையாளர்கள் பற்றிய தகவலுக்கு சிங்கப்பூரர்கள் ஷாங்காய் ஆணையத்தின் அதிகாரப்பூர்வ ‘WeChat’ கணக்கில் விவரங்களை அறிந்துக் கொள்ளலாம். இந்த முயற்சிகள் இருந்தும் அத்தியாவசியப் பொருட்களைப் பெற முடியாத சிங்கப்பூரர்கள் உதவிக்கு துணைத் தூதரகத்தை தொடர்பு கொள்ளலாம்.
ஷாங்காயில் தற்போதைய கோவிட் நிலைமை வேகமாக உருவாகி வருகிறது. துணைத் தூதரகம் பூட்டப்பட்ட நிலையில் இருக்கும்போது, தூதரக உதவி தேவைப்படும் ஷாங்காயில் உள்ள சிங்கப்பூரர்கள், அவசரகால ஹாட்லைன் +86 138 0194 9439 அல்லது மின்னஞ்சல் முகவரி singcg_sha@mfa.sg மூலம் துணைத் தூதரகத்தை அணுகலாம்.
சிங்கப்பூரர்கள் 24 மணிநேரமும் செயல்படும் சிங்கப்பூர் வெளியுறவுத்துறை அமைச்சகத்தின் அலுவலகத்தின் +65 6379 8800/8855 என்ற தொலைபேசி எண்ணை தொடர்புக் கொள்ளலாம். தற்போது ஷாங்காயில் இருக்கும் அனைத்து சிங்கப்பூரர்களும் ஏற்கனவே பதிவு செய்யவில்லை என்றால், https://eregister.mfa.gov.sg/ என்ற வெளியுறவுத்துறை அமைச்சகத்தின் அதிகாரப்பூர்வ இணையதளப் பக்கத்தில் பதிவு செய்யுமாறு நாங்கள் கேட்டுக்கொள்கிறோம்.” இவ்வாறு அவர் தெரிவித்துள்ளார். இந்த தகவலை சிங்கப்பூர் வெளியுறவுத்துறை அமைச்சகம் தனது இணையதளப் பக்கத்தில் வெளியிட்டுள்ளது.