மத்திய கிழக்கு நாடுகளில் ஒன்றான இஸ்ரேலுக்கு சிங்கப்பூர் வெளியுறவுத்துறை அமைச்சர் டாக்டர் விவியன் பாலகிருஷ்ணன் மூன்று நாள் அரசுமுறை சுற்றுப்பயணம் மேற்கொண்டுள்ளார். நேற்று (21/03/2022) இஸ்ரேல் நாட்டின் முக்கிய தலைவர்களைச் சந்தித்துப் பேசினார்.
விமான விபத்து: சீன அதிகாரிகளுடன் தொடர்பில் இருப்பதாக சிங்கப்பூர் வெளியுறவுத்துறை அமைச்சகம் தகவல்!
இது குறித்து சிங்கப்பூர் வெளியுறவுத்துறை அமைச்சகம் வெளியிட்டுள்ள செய்திக் குறிப்பில், “சிங்கப்பூர் வெளியுறவுத்துறை அமைச்சர் டாக்டர் விவியன் பாலகிருஷ்ணன், மாற்றுப் பிரதமரும், வெளியுறவுத்துறை அமைச்சருமான யர் லாபிட் (Alternate Prime Minister and Minister of Foreign Affairs Yair Lapid) மற்றும் புத்தாக்கம், அறிவியல் மற்றும் தொழில்நுட்பத்துறை அமைச்சர் ஓரிட் ஃபர்காஷ் ஹகோஹென் ( Minister of Innovation, Science and Technology Orit Farkash-Hacohen) ஆகியோரை நேற்று (21/03/2022) சந்தித்துப் பேசினார். அமைச்சர் டாக்டர் விவியன் பாலகிருஷ்ணன் தனது சந்திப்புகளில் சிங்கப்பூருக்கும், இஸ்ரேலுக்கும் இடையே பல துறைகளில் நீண்டகால உறவுகளை மீண்டும் உறுதிப்படுத்தினார். புதுமை மற்றும் தொழில்நுட்பம், வர்த்தகம் மற்றும் முதலீடு, ஆர் & டி மற்றும் கல்வி போன்ற துறைகளில் ஒத்துழைப்பை வலுப்படுத்துவதை அவர்கள் வரவேற்றனர்.
சிங்கப்பூர்-இஸ்ரேல் தொழில்துறை ஆராய்ச்சி மற்றும் மேம்பாட்டு அறக்கட்டளை (Singapore-Israel Industrial Research & Development Foundation- ‘SIIRD’) நடப்பாண்டில் 25- வது ஆண்டு நிறைவைக் கொண்டாடுகிறது. இந்த அறக்கட்டளை கடந்த 1997- ஆம் ஆண்டு தொடங்கப்பட்டது. பின்னர், இஸ்ரேலுக்கும், சிங்கப்பூருக்கும் இடையிலான சுமார் 190 திட்டங்களுக்கு 120 மில்லியன் அமெரிக்க டாலர் நிதியுதவியை வழங்கியுள்ளது.
பான் தீவு அதிவிரைவுச்சாலையில் (PIE) விபத்துக்குள்ளான “கார் தீப்பிடித்து எரிந்த” அதிர்ச்சி!
கொரோனா தொற்றுநோயிலிருந்து உலகம் வெளிவரும்போது, சிங்கப்பூரும், இஸ்ரேலும் விவசாய உணவு தொழில்நுட்பம் (Agri-Food tech), சுகாதார தொழில்நுட்பம் (Health-tech) மற்றும் டிஜிட்டல் மயமாக்கல் (Digitalisation) போன்ற வளர்ந்து வரும் துறைகளில் ஒத்துழைப்பை ஆழப்படுத்த வேண்டும் என்று அமைச்சர் டாக்டர் விவியன் பாலகிருஷ்ணன் எடுத்துரைத்தார். சிங்கப்பூர் மற்றும் இஸ்ரேல் இடையேயான கண்டுபிடிப்பு கூட்டாண்மையை வலுப்படுத்த, சிங்கப்பூர் டெல் அவிவில் (Tel Aviv) தூதரகத்தை நிறுவி மைய புள்ளியாக செயல்படும் மற்றும் சாத்தியமான இஸ்ரேலிய பங்காளிகளுடன் தங்கள் ஒத்துழைப்பை விரிவுபடுத்த விரும்பும் சிங்கப்பூர் நிறுவனங்களை ஆதரிக்கும்.
சிங்கப்பூரின் ஸ்மார்ட் நேஷன் மற்றும் டிஜிட்டல் அரசாங்க அலுவலகம் (Singapore’s Smart Nation and Digital Government Office) மற்றும் இஸ்ரேலின் புத்தாக்கம், அறிவியல் மற்றும் தொழில்நுட்ப அமைச்சகம் (Israel’s Ministry of Innovation, Science and Technology) ஆகியவற்றுக்கு இடையே AI ஒத்துழைப்பு குறித்த புரிந்துணர்வு ஒப்பந்தத்தில் அமைச்சர் டாக்டர் விவியன் பாலகிருஷ்ணன் மற்றும் அமைச்சர் ஃபர்காஷ் ஹகோஹென் கையெழுத்திட்டனர். புரிந்துணர்வு ஒப்பந்தம் AI- ல் எல்லை தாண்டிய ஒத்துழைப்பை விரைவுபடுத்துவதற்கான இரு நாடுகளின் நோக்கத்தையும் குறிக்கிறது.
சாலைத் தடுப்பு மீது ஏறி சென்ற பேருந்து… கடும் போக்குவரத்து நெரிசல் – வாகனமோட்டிகள் பாதிப்பு
அமைச்சர் டாக்டர் விவியன் பாலகிருஷ்ணன், அமைச்சர் லாபிடுடன் பிராந்திய மற்றும் சர்வதேச அபிவிருத்திகள் குறித்து திறந்த கலந்துரையாடலையும் மேற்கொண்டார். நீடித்த, நியாயமான மற்றும் விரிவான தீர்வை அடைவதற்காக, இஸ்ரேலும் பாலஸ்தீனமும் அமைதி மற்றும் பாதுகாப்பில் அருகருகே வாழும், தொடர்புடைய ஐக்கிய நாடுகளின் பாதுகாப்பு கவுன்சில் தீர்மானங்களுக்கு (United Nations Security Council resolutions) இணங்க, பேச்சுவார்த்தை நடத்தப்பட்ட இரு நாடுகளின் தீர்வுக்கு நீண்டகால மற்றும் கொள்கை ரீதியான ஆதரவை சிங்கப்பூர் கொண்டுள்ளது.
இஸ்ரேல் மற்றும் பாலஸ்தீன இரு தரப்பும் இரு நாடுகளின் தீர்வின் அடிப்படையில் நேரடி பேச்சுவார்த்தைகளில் ஈடுபடுவதற்கான வழிகளைக் கண்டுபிடிக்கும் என்று சிங்கப்பூர் நம்புகிறது. அனைத்துத் தரப்பினரும் பதட்டத்தை அதிகரிக்கும் மற்றும் அமைதிக்கான வாய்ப்புகளை குறைப்பதற்கு உட்படுத்தக்கூடிய எந்தவொரு ஒருதலைப்பட்சமான நடவடிக்கைகளையும் தவிர்க்க வேண்டும்.” இவ்வாறு சிங்கப்பூர் வெளியுறவுத்துறை அமைச்சகம் தெரிவித்துள்ளது.
சாலைத் தடுப்பு மீது ஏறி சென்ற பேருந்து… கடும் போக்குவரத்து நெரிசல் – வாகனமோட்டிகள் பாதிப்பு
வரும் மார்ச் 23- ஆம் தேதி வரை இஸ்ரேலில் சுற்றுப்பயணம் மேற்கொள்ளும் சிங்கப்பூர் வெளியுறவுத்துறை அமைச்சர், அன்றைய தினமே சிங்கப்பூர் திரும்புகிறார்.