உலக புகழ் பெற்ற பல்கலைக்கழகங்களில் ஒன்றான சிங்கப்பூர் நன்யாங் தொழில்நுட்ப பல்கலைக்கழகத்தின் (Nanyang Technological University- ‘NTU’) விஞ்ஞானிகள் சைக்கிளை ஓட்டுபவர்களுக்கு மலிவானதாக இருக்கும் சைக்கிள் ஹெல்மெட் (Cycling Helmet) ஒன்றை உருவாக்கியுள்ளனர். இந்த ஹெல்மெட் விபத்துக்களில் இருந்து அவர்களுக்கு அதிக பாதுகாப்பை அளிக்கிறது. கார்பன் ஃபைபருடன் வலுவூட்டப்பட்ட புதிய தெர்மோபிளாஸ்டிக்கைப் பயன்படுத்தி ஹெல்மெட் உருவாக்கப்பட்டுள்ளது.
ஹெல்மெட்டின் தொடக்க மாதிரியை நன்யாங் தொழில்நுட்ப பல்கலைக் கழகத்தில் இயந்திர, விண்வெளித் துறைப் பள்ளியின் (School of Mechanical and Aerospace Engineering) துணைப் பேராசிரியர் லியோங் கா ஃபாய் (Leong Kah Fai) தலைமையில் வழிநடத்தும் குழு உருவாக்கியது. இந்த ஆராய்ச்சி குழுவில் கோரம் கோஹெல் (Goram Gohel), டாக்டர் பூடோலியா சோமென் குமார் (Bhudolia Somen Kumar) உள்ளிட்ட விஞ்ஞானிகளும் இடம் பெற்றுள்ளனர்.
இது குறித்து விளக்கமளிப்பதற்காக ஜூலை 24- ஆம் தேதி அன்று செய்தியாளர்களைச் சந்தித்த பேராசிரியர் லியோங், “ஹெல்மெட்டின் உற்பத்தி செயல்முறையை அளவிடுவதற்கான விருப்பங்களை தனது குழு ஆராய்ந்து வருவதாகவும், ஆனால் முன்மாதிரி (Prototype) வணிகமயமாக்கப்படுவதற்கு இரண்டு முதல் மூன்று ஆண்டுகள் ஆகலாம்” என்றும் கூறினார்.
அரசின் கொரோனா தடுப்பு விதிமுறைகள் மீறல்… மூன்று முன்னாள் இரவு விடுதிகளின் உணவு- பான உரிமம் ரத்து!
முன்மாதிரி வெவ்வேறு சூழ்நிலைகளில் பாதுகாப்பாக இருப்பதை உறுதிசெய்ய, குழு பல சோதனைகளில் தட்டையான, வட்டமான மற்றும் பிரமிட் வடிவ அன்வில்களில் அதிக வேகத்தில் ஹெல்மட்டைக் கீழே செலுத்தியது.
சோதனைகள் அமெரிக்காவின் நுகர்வோர் தயாரிப்பு பாதுகாப்பு ஆணையம் (United States Consumer Product Safety Commission- ‘CPSC’) நடத்திய சோதனைக்கு சமமானவை. ஹெல்மெட்டுகளுக்கான சர்வதேச அளவில் அங்கீகரிக்கப்பட்ட பாதுகாப்பு தரமான CPSC 1203 சான்றிதழை அதன் முன்மாதிரி பூர்த்தி செய்கிறது என்று தெரிவிக்கப்பட்டுள்ளது.
விஞ்ஞானிகள் குழுவில் இடம் பெற்றுள்ள டாக்டர் பூடோலியா சோமென் குமார் கூறுகையில், “ஹெல்மெட் மேற்பரப்பை அதிவேகமாகத் தாக்கும் போது, ஒரு சிதைவு இருப்பதை நாங்கள் கவனித்தோம். அதாவது வெளிப்புற ஷெல் அதிக சுமைகளை எடுத்து அதிக சக்தியை உறிஞ்சி வருகிறது” என்றார்.
அந்த ஹெல்மெட், விபத்துகளின்போது உருவாகும் அதிர்ச்சியை மேம்பட்ட வகையில் தாங்கிப் பாதுகாப்பு வழங்கும் ஆற்றல் படைத்தது. விபத்து நேர்ந்தால், சைக்கிளோட்டியின் தலைக்கு ஏற்படும் தாக்கத்தை அது பெருமளவு குறைக்கிறது. உயர்தரத் ஹெல்மெட் வழங்கும் பாதுகாப்பை, நடுத்தர விலையில் வழங்கப்படும் எனத் தெரிவிக்கப்பட்டுள்ளது.