பிளாக் 728 ஆங் மோ கியோ அவென்யூ 6இல் இன்று வெள்ளிக்கிழமை (ஜன. 14) கார் ஒன்றில் தீப்பிடித்தது.
நள்ளிரவு 12.15 மணியளவில் வாகனத்தின் என்ஜின் பெட்டியில் ஏற்பட்ட தீ விபத்து குறித்து தகவல் கிடைத்ததாக சிங்கப்பூர் குடிமைத் தற்காப்புப் படை (SCDF) ஸ்டாம்பிடம் தெரிவித்தது.
இந்த சம்பவத்தில் காயங்கள் ஏதும் ஏற்படவில்லை என்றும், தீ விபத்துக்கான காரணம் குறித்து விசாரணை நடைபெற்று வருகிறது என்றும் கூறப்பட்டுள்ளது.
தீ பற்றி எரியும் வாகனத்தின் புகைப்படங்களை ஸ்டாம்ப் வாசகர் பகிர்ந்துள்ளார்.
இந்த மாதத்தில் இதே போன்று ஏற்பட்ட நான்காவது சம்பவம் இது என்று அவர் குறிப்பிட்டார்.