நிலவனப்பைப் பராமரிக்கும் தொழிலாளர்களின் (Landscape Maintenance Workers) குறைந்தபட்ச அடிப்படை ஊதியம் சராசரியாக ஆண்டுக்கு 6.3 சதவீதம் உயரவுள்ளது. இந்த ஊதிய உயர்வு ஆறு ஆண்டுகளுக்கு நீடிக்கும். நிலவனப்புத் தொழில்துறையின் ஊதிய முறைத் தொடர்பான முத்தரப்பு குழுவின் (Tripartite Committee) பரிந்துரைகள் நேற்று (20/08/2021) அரசாங்கத்தால் ஏற்றுக்கொள்ளப்பட்டன.
தொழிலாளர்களுக்கான ஊதிய உயர்வு வரும் 2023- ஆம் ஆண்டு ஜூலை 1- ஆம் தேதி முதல் ஆறு ஆண்டுகள் நீடிக்கும். இதன் மூலம் 358 நிறுவனங்களில் பணியாற்றி வரும் சுமார் 3,000- க்கும் மேற்பட்ட சிங்கப்பூரைச் சேர்ந்த தொழிலாளர்கள் (Singaporeans) மற்றும் நிரந்தரவாசி தொழிலாளர்கள் (Permanent Resident Landscape Workers) பயனடைவர்.
அமெரிக்க துணை அதிபர் நாளை சிங்கப்பூர் வருகிறார்!
இந்த அதிகரிப்பு மதிப்பாய்வுக்கு உட்பட்ட தொழிலுக்கான முற்போக்கு ஊதிய மாதிரி (Progressive Wage Model-‘PWM’) கீழ் 2018- ல் முன்னர் பரிந்துரைக்கப்பட்ட 3 சதவீத வருடாந்திர ஊதிய உயர்வை விட இரண்டு மடங்கு அதிகம் ஆகும். தற்போது 1,550 சிங்கப்பூர் டாலரை அடிப்படை ஊதியத்தைப் பெறும் ஒரு நிலவனப்பு தொழிலாளி, வரும் 2023- ஆம் ஆண்டு 2,385 சிங்கப்பூர் டாலரை அடிப்படை ஊதியமாகப் பெறுவர்.
சிங்கப்பூர் தொழிலாளர்களின் ஊதியம் அவர்களின் துறையில் உள்ள ஊழியர்களின் திறன்கள், உற்பத்தித்திறன் மற்றும் வேலை பொறுப்புகள் ஆகியவற்றுக்கு ஏற்ப அவர்களின் சம்பளம் உயர்வதை உறுதிச் செய்ய இந்த திட்டம் உதவுகிறது.
அரசு, தொழிற்சங்கங்கள், மற்றும் இயற்கை பராமரிப்பு சேவை வழங்குநர்கள் மற்றும் வாங்குபவர்களின் பிரதிநிதிகளை உள்ளடக்கிய, நிலவனப்பு தொழில்களுக்கான முத்தரப்பு கிளஸ்டர் (Tripartite Cluster For Landscape Industry-‘TCL’) வழங்கிய பரிந்துரைகளில் ஊதிய உயர்வின் புதிய தொகுப்பு இருந்தது. ஊதிய அட்டவணை 2025- ல் மீண்டும் மதிப்பாய்வு செய்யப்படும்.
மனிதவளத்துறையின் மூத்த அமைச்சர் ஸாக்கி முகம்மது (Senior Minister of State for Manpower Zaqy Mohamad) நேற்று (20/08/2021) பே-வில் உள்ள கார்டன்களுக்கு (Gardens by the Bay) சென்று பார்வையிட்டார். பின்னர் காணொளி மூலம் செய்தியாளர்களைச் சந்தித்த அமைச்சர், “முன்பு பரிந்துரைக்கப்பட்டதை விட இரண்டு மடங்கு அதிகமாக ஊதிய உயர்வு. சேவை பெறுபவர்கள் மற்றும் நுகர்வோருக்கும் ஒரு பங்கு உள்ளது என்று நாங்கள் கூற விரும்புகிறோம்.
தடுப்பூசிப் போட்டுக்கொள்ளாத 82 வயது முதியவர் கொரோனாவால் உயிரிழப்பு!
டிசிஎல் (TCL) அதிக ஊதியங்களுக்கு அழுத்தம் கொடுப்பது மற்றும் நிலவனப்பு தொழிலாளர்கள் மற்றும் பிற தொழிலாளர்களிடையே வருமான ஏற்றத்தாழ்வைக் குறைப்பதைத் தவிர, சிங்கப்பூரர்கள் நிலவனப்பு தொழிலை ஒரு முக்கியமான சேவைத் துறையாக அங்கீகரிப்பதை நோக்கமாகக் கொண்டுள்ளது. சேவையைப் பெறுபவர்கள் தொழிலாளர்களின் மதிப்பை அங்கீகரிக்க வேண்டும். அதனால் அவர்களின் ஊதியம் அவர்களின் திறமைக்கு ஏற்ப இருக்கும்” என்று குறிப்பிட்டார்.
PWM- ஐ தத்தெடுப்பது நிலவனப்பு நிறுவனங்களுக்கு, 2016- ஆம் ஆண்டு முதல் நிலவனப்பு நிறுவன பதிவேட்டில் சேர்க்கப்பட வேண்டியது கட்டாய நிபந்தனையாகும் (Landscape Company Register since 2016) என்பது குறிப்பிடத்தக்கது.