சிங்கப்பூரில் கொரோனா பரவல் தடுப்பு நடவடிக்கையாக, கட்டுப்பாடுகள் அமல்படுத்தப்பட்டுள்ளதன் காரணமாக பல்வேறு துறையில் பணிபுரிந்து வந்த தொழிலாளர்களில், பலர் தங்களது வேலையை இழந்துள்ளனர். இதனால், அவர்கள் பொருளாதார ரீதியிலாக கடும் சிரமத்திற்குள்ளாகியுள்ளன.
இதன் காரணமாக, இங்குள்ள இளைஞர்களிடையே தனிப்பட்ட கடன் அதிகரித்து வருகிறது, மேலும் வட்டி விகிதங்கள் அதிகரிக்கத் தொடங்கியவுடன் நிலைமை மோசமடையக்கூடும் என்று கூறப்படுகிறது.
‘Credit Bureau Singapore’ தரவுகளின் படி, “கிரெடிட் கார்டு கடன் வாங்குவதில் குறிப்பிடத்தக்க வேறுபாடு இல்லை என்றாலும், கடந்த ஆண்டின் இரண்டாவது காலாண்டில் இருந்து இளைஞர்கள் மற்ற கடன்களை அதிக அளவு எடுத்து வருகின்றனர். கடந்த ஆண்டின் கடைசி மூன்று மாதங்கள் காட்டிலும், இந்த ஆண்டின் முதல் காலாண்டில் 30 வயதுக்குட்பட்டவர்களின் சராசரி தனிநபர் கடன்கள் மற்றும் ஓவர் டிராஃப்ட் நிலுவைத் தொகை (Overdraft Balances) சுமார் 23 சதவிகிதம் உயர்ந்துள்ளது என்று தரவு காட்டுகிறது.
சட்டத்திற்கு புறம்பாக முகக்கவசங்களை பெற்றதாக 5 பேர் மீது குற்றச்சாட்டு
21 முதல் 29 வயது வரையிலான சராசரி தனிநபர் கடன் (Average Personal Loan) மற்றும் ஓவர் டிராஃப்ட் நிலுவைத் தொகை இந்த ஆண்டின் முதல் காலாண்டில் 49,689 சிங்கப்பூர் டாலராக உயர்ந்துள்ளது, இது கடந்த ஆண்டின் முதல் காலாண்டில் சராசரியாக 34,941 சிங்கப்பூர் டாலரை விட 42 சதவீதம் அதிகமாகும்.
சிங்கப்பூரில் கடன் வாங்குவதற்கான வரம்புகள் (Borrowing limits) கடந்த 2015- ஆம் ஆண்டில் கட்டுப்படுத்தப்பட்டன. இது பாதுகாப்பற்ற கடனை கட்டுக்குள் வைத்திருக்க உதவுகிறது. தாமதத்தின் அதிக கடன்கள் குறைந்த வட்டி விகிதங்களால் தூண்டப்பட்டிருக்கலாம் என்று நிபுணர்கள் தெரிவித்தனர்.
சிங்கப்பூர் பல்கலைக்கழகத்தின் மாஸ்டர் ஆஃப் ஃபைனான்ஸ் திட்டத்தின் தலைவர், இணை பேராசிரியர் யு யிங்ஹுய் (Associate Professor Yu Yinghui, head of the Master of Finance programme at the Singapore University of Social Sciences,) கூறுகையில், “கொரோனாவின் ஒரு பகுதியாக, கடந்த ஆண்டு ஏப்ரல் முதல் பாதுகாப்பற்ற தனிநபர் கடன்களின் வருடாந்திர பயனுள்ள வட்டி விகிதத்தை 8 சதவீதமாக அரசு நிர்ணயித்துள்ளது.
‘அஞ்சல் சேவையில் மின்சார வாகனங்கள்’- சிங்கப்பூர் அஞ்சல் துறை அதிரடி முடிவு!
ஆனால் வேலையில்லாத் திண்டாட்டம் மற்றும் குறைந்த வருவாய் ஆகியவை இளம் வயதினரை தனிநபர் கடன்கள் மற்றும் ஓவர் டிராஃப்ட்ஸுக்கு குறைவான வளங்களைக் கொண்டு உந்துதல் அளிக்கலாம். ஏனெனில் அவர்கள் நெருக்கடியிலிருந்து வெளியேற முயற்சி செய்கிறார்கள் என்று நிபுணர்கள் குறிப்பிட்டனர். மார்ச் மாதத்தில், 30 வயதிற்குட்பட்ட குடியிருப்பாளர்களிடையே வேலையின்மை விகிதம் 6.4 சதவீதமாக இருந்தது” எனக் குறிப்பிட்டார்.
சிங்கப்பூர் மேலாண்மை பல்கலைக்கழகத்தின் லீ காங் சியான் ஸ்கூல் ஆஃப் ஃ பைனாசினஸின் இணை பேராசிரியர் சோங் சாங்செங் (Associate Professor of Finance Song Changcheng from the Lee Kong Chian School of Business at Singapore Management University) கூறுகையில். “அரசாங்கம் ஏற்கனவே இளைஞர்களுக்கு உதவும் வகையில் ‘SGUnited Traineeships’ திட்டத்தையும், மற்ற நிவாரணங்களையும் செயல்படுத்தி வருகிறது. இதன் மூலம் பொதுமக்கள் மற்றும் சிறிய நிறுவனங்கள் இளைஞர்களை வேலைக்கு அமர்த்த உதவுகின்றன” எனத் தெரிவித்தார்.
‘Credit Bureau Singapore’ தரவுகளின் படி, 30 வயதிற்குட்பட்டவர்களுக்கு, முந்தைய மூன்று மாதங்களுடன் ஒப்பிடும்போது, இந்த ஆண்டின் முதல் காலாண்டில் தனிநபர் கடன் அபராத விகிதம் 13.4 சதவிகிதம் உயர்ந்துள்ளது. இந்த விகிதம் 30 நாட்கள் அல்லது அதற்கு மேல் தாமதமாக பணம் செலுத்தும் கடனாளர்களின் சதவீதத்தைக் குறிக்கிறது. அதே காலத்தில் ஓவர் டிராஃப்ட் (Overdraft) குற்ற விகிதம் 12.8 சதவீதம் அதிகரித்துள்ளது.