சிங்கப்பூரில் தனிமைப்படுத்தப்பட்ட உத்தரவை மீறியதாக 22 வயது இளைஞருக்கு புதன்கிழமை (ஏப்ரல் 29) S$1,500 அபராதம் விதிக்கப்பட்டுள்ளது.
தனிமைப்படுத்தப்பட்ட உத்தரவு முடிவடைவதற்கு அரை மணி நேரத்திற்கு முன்பே தனது வீட்டை விட்டு வெளியேறியதாக அவர் மீது குற்றம் சாட்டப்பட்டுள்ளது.
இதையும் படிங்க : சிங்கப்பூரில் புதிதாக 690 பேருக்கு COVID-19 கிருமித்தொற்று உறுதி..!
AIA உடனான நிதி ஆலோசகரான Tay Chun Hsien, தனது தனிமைப்படுத்தப்பட்ட உத்தரவு மதியம் 12 மணிக்கு பதிலாக நள்ளிரவு 12 மணிக்கு முடிவடைந்தது என்று நினைத்ததாக அவரது வழக்கறிஞர் நீதிமன்றத்தில் தெரிவித்துள்ளார்.
Tay, மார்ச் 19 முதல் மார்ச் 22 மதியம் 12 மணி வரை தனது பிளாட்டில் தனிமைப்படுத்த உத்தரவு பிறப்பிக்கப்பட்டதாகவும் நீதிமன்றம் குறிப்பிட்டது.
தனிமைப்படுத்தப்பட்ட காலத்தின் தேதி மற்றும் நேரம் அடிக்கோடிட்டுக் காட்டப்பட்டது. மேலும், அந்த உத்தரவுக்கு இணங்கத் தவறினால் Tay எதிர்கொள்ளக்கூடிய அபராதங்கள் குறித்தும் அந்த உத்தரவில் குறிப்பிடப்பட்டுள்ளதாக கூறப்பட்டுள்ளது.
மார்ச் 22 அன்று காலை 11.30 மணியளவில், Tay தனது பிளாட்டை விட்டு வெளியேறி, Yew Tee Square-ல் உள்ள உணவகத்திற்கு சாப்பிட நடந்து சென்றார். அவர் ஏழு நிமிடங்கள் மாலுக்கு நடந்து சென்று உணவை வாங்கி, பிறகு உணவகத்திற்குள் அதை சாப்பிட்டதாக குறிப்பிடப்பட்டுள்ளது.
காலை 11.40 மணியளவில், Tay வீட்டு தனிமைப்படுத்தப்பட்ட உத்தரவுக்கு கட்டுப்பட்டு வீட்டில் இருக்கிறாரா என்பதை சரிபார்க்க நியமிக்கப்பட்ட ஒரு Certis CISCO பாதுகாப்பு அதிகாரி, தொலைபேசியில் வீடியோ அழைப்பு விடுத்தார்.
அப்போது roti prata-வின் உணவை உட்கொண்ட நிலையில் அவர் அழைப்புக்கு பதிலளித்தார், பின்னர் tay வீட்டில் இல்லை என்பதை அதிகாரி உணர்ந்தார்.
பசி காரணமாக உணவு வாங்குவதற்காக தனது வீட்டை விட்டு வெளியேறியதாகவும், பின்னர் உடனடியாக வீட்டிற்குச் சென்றதாகவும் Tay விளக்கினார்.
அதைத் தொடர்ந்து நடத்தப்பட்ட விசாரணையில் Tay செய்த தவறு கண்டுபிடிக்கப்பட்டது.
தனிமைப்படுத்தப்பட்ட உத்தரவை மீறியதற்காக, ஆறு மாதங்கள் வரை சிறை, அதிகபட்சமாக S$10,000 அபராதம் விதிக்கப்படலாம் அல்லது இரண்டும் விதிக்கப்படலாம்.
இதையும் படிங்க : சிங்கப்பூரில் கோவிலுக்குள் புகுந்து சிலையை திருடியதாக ஒருவர் கைது..!