கிராஞ்சி விரைவுச்சாலையில் (KJE) நேற்று (அக்டோபர் 3) சிதறிக் கிடந்த உலோகத் துண்டுகளால் பல கார்கள் சேதமடைந்தன.
மலேசிய பதிவு பெற்ற லாரியில் இருந்து உலோகத் துண்டுகள் கீழே விழுந்தது தான் அதற்கு காரணம் என்று வாகன ஓட்டிகள் பின்னர் கண்டுபிடித்தனர்.
இதனால் பாதிக்கப்பட்ட ஓட்டுநர்களில் ஒருவர், அவரது டயர்கள் மற்றும் ரிம்களை மாற்றுவதற்கு சுமார் S$1,400 செலவானதாக மதர்ஷிப்பிடம் கூறியுள்ளார்.
அவரின் கருத்துப்படி, சுமார் 10 முதல் 15 கார்களின் டயர்கள் சேதமடைந்ததாக அவர் கூறினார்.
இதற்காக வேண்டி அந்த மலேசிய லாரி ஓட்டுனரின் நிறுவனத்திடம் இழப்பீடு கேட்டுள்ளதாகவும் அவர் கூறியுள்ளார்.
பாதிக்கப்பட்ட அனைத்து ஓட்டுநர்களுக்கும் மலேசிய லாரி ஓட்டுனரின் விவரங்கள் மற்றும் அவர் சார்ந்த நிறுவனத்தின் புகைப்படத்தையும் எடுத்து வைத்துள்ளதாக குறிப்பிட்டுள்ளனர்.