வெளிநாட்டு ஊழியர்களுக்கு தேவைப்படும் மனநல உதவிக்கான அணுகல் பல முனைகளில் விரிவுபடுத்தப்படுவதாக மனிதவள அமைச்சர் டான் சீ லெங் நாடாளுமன்றத்தில் தெரிவித்தார்.
உதாரணமாக, அனைத்து FAST குழு உறுப்பினர்களும் அடிப்படை மனநலம் மற்றும் உளவியல் முதலுதவிக்கான பயிற்சி பெறுகின்றனர், அதாவது சுமார் 500 அதிகாரிகள் இன்றுவரை அதில் பயிற்சி பெற்றுள்ளனர்.
வெளிநாட்டு ஊழியர்களுக்கு தீபாவளி நன்கொடை – இந்திய ஊழியர்களுக்கு விருப்பமான பொருட்கள் திரட்டல்
FAST குழு மனிதவள அமைச்சகத்தின் (MOM) அதிகாரிகள், வெளிநாட்டு ஊழியர் தங்கும் விடுதிகளில் கோவிட்-19 சூழலை நிர்வகிப்பதற்கு உதவுவதற்காக அனுப்பப்படுகின்றனர்.
கோவிட்-19 கட்டுப்பாடுகள் காரணமாக தங்கும் விடுதி குடியிருப்பாளர்கள் தங்களுடைய விடுதிகளை விட்டு வெளியேற முடியாத பிரச்சினையையும் டாக்டர் டான் எடுத்துரைத்தார்.
கடந்த ஆண்டு ஆகஸ்ட் முதல், ஊழியர்கள் பொழுதுபோக்கு நிலையங்களுக்கு செல்ல அனுமதிக்கப்பட்டுள்ளனர், மேலும் இந்த நிலையங்களுக்கு செல்லும் ஊழியர்களின் விகிதமும் சமீபத்தில் வாரத்திற்கு ஒரு முறையிலிருந்து மூன்று முறை அதிகரிக்கப்பட்டுள்ளது, என்றார்.
தடுப்பூசி போட்டுக்கொண்ட ஊழியர்கள் அத்தகைய வருகைகளுக்கு முன் பரிசோதனை செய்து கொள்ள வேண்டும் என்ற தேவையையும் MOM நீக்கியுள்ளது.
கடந்த வார இறுதியில், வெளியே செல்ல அனுமதிக்கப்பட்ட தடுப்பூசி போட்டுக்கொண்ட ஊழியர்களின் எண்ணிக்கை 500லிருந்து 3,000ஆக அதிகரித்துள்ளது.
மேலும், கெயிலாங் செராய் மற்றும் ஜூ சியாட் (Joo Chiat) பகுதிகளுக்கும் அவர்கள் செல்ல அனுமதி வழங்கப்பட்டுள்ளது என்று அவர் கூறினார்.
வாரத்திற்கு ஆறு மணி நேரத்திலிருந்து, எட்டு மணிநேரமாக சென்றுவரும் நேரமும் நீட்டிக்கப்பட்டது.
உணவங்காடி நிலையங்களில் அதிரடி சோதனை: விதிகளை மீறிய 76 பேர் சிக்கினர்