மலேசிய ரிங்கிட்டுக்கு எதிரான சிங்கப்பூர் டாலர் S$1இன் மதிப்பு RM3.5489 வரை அதிகரித்து வரலாற்று சாதனை படைத்துள்ளது.
இன்று (பிப். 8) அதன் மதிப்பு வரலாற்று உச்சத்தை எட்டிய நிலையில், ராஃபிள்ஸ் பிளேஸில் அமைந்துள்ள தி ஆர்கேட் ஷாப்பிங் மாலில் உள்ள பணம் மாற்று நிறுவனங்கள் S$1 க்கு RM3.505 வரை பணம் மாற்றி வழங்குவதாக கூறப்பட்டுள்ளது.
சிங்கப்பூரர்& PR-களுக்கு S$10,869 என அதிகரித்த சராசரி மாத குடும்ப வருமானம்
சைமன் டான் என்ற ஒருவர், S$1,000 சிங்கப்பூர் டாலரை RM3,505 என்ற மதிப்பில் பரிமாற்றம் செய்ததாகக் கூறியுள்ளார்.
அவர் மாற்றிய பணத்தின் சமீபத்திய ரசீதின் புகைப்படம் Facebook குழு ஒன்றில் பதிவேற்றப்பட்டது.
தாம் பணம் மாற்றிய கடையில் அதிக விகிதத்தில் மாற்று மதிப்பு இருந்ததாக கூறிய அவர், வேறு கடைகளில் அது RM3.50 அல்லது 3.502 வரையிலான மாற்று விகிதத்தைக் கொண்டிருந்ததாக கூறினார்.
வேறு எங்காவது இதை விட நல்ல மதிப்பில் பண மாற்றி தரப்படலாம் என்பதையும் அவர் சுட்டிக்காட்டினார்.
இதற்கு முன்னர் பிப். 2 அன்று, மலேசிய ரிங்கிட்டுக்கு எதிரான சிங்கப்பூர் டாலர் S$1இன் மதிப்பு RM3.5418 வரை அதிகரித்து வரலாற்று சாதனை படைத்தது குறிப்பிடத்தக்கது.