சிங்கப்பூரில் கனமழை: திடீர் வெள்ளம், மரம் முறிந்து விழுந்தது..!

சிங்கப்பூரில் 9 இடங்களில் கனமழை காரணமாக வெள்ள அபாயம் உள்ளதாக பொது பயனீட்டு கழகம் (PUB) தெரிவித்துள்ளது.

நேற்று நவம்பர் 2ம் தேதி, தேசிய நீர் நிறுவனமான பொது பயனீட்டு கழகம் (PUB) வெள்ள அபாயங்கள் உள்ள பகுதிகள் குறித்து எச்சரிக்கை விடுத்தது.

பின்வரும் பகுதிகளின் வடிகால் மற்றும் கால்வாய்களில் நீர் நிலைகள் 90 சதவீத திறனை எட்டியுள்ளதாக PUB கூறியது.

Upper Paya Lebar Road, Mount Vernon Road மற்றும் Lorong Gambir ஆகிய இடங்களில் வெள்ளம் ஏற்பட்டதாக தெரிவிக்கப்பட்டுள்ளது.

இந்த இடங்களுக்கு PUB-ன் விரைவு குழுக்கள் உடனடியாக சென்றதாக தெரிவிக்கப்பட்டது.

மேலும், Macpherson சாலையில் இருபுற பாதைகளையும் தடுத்தவாறு மழையில் மரம் விழுந்து கிடந்துள்ளதாகவும் தெரிவிக்கப்பட்டுள்ளது.